प्रस्तावित गेटा मेडिकल कलेजमे सांकेतिक उपचार
पहुरा समाचारदाता
धनगढी, १३ जेठ । कैलालीके गेटामे प्रस्तावित गेटा मेडिकल कलेज सञ्चालनके माग कैटी भवन निर्माण स्थलमे सांकेतिक विरोध स्वरुप उपचार तथा चेकजाँच करल बा ।
नागरिक अगुवा तथा आन्दोलनरत समुहले शुकके कैलालीके गेटा स्थित प्रस्तावित मेडिकल कलेज परिसरमे विरोध स्वरुप बिरामी जाँच करल हुइट । बिरामी उपचारके लाग डाक्टर सहितके टोली वहाँ पुगल रहिट ।
बिफेक रोज सञ्चालन हुइल धनगढीमे हस्ताक्षर अभियान शुके फेन जारी रहल बा । पूर्वाधार निर्माणके काम ९० प्रतिशत पुरा हुयलसमेत समेत मेडिकल कलेज सञ्चालनके लाग सरकारसे कौनो योजना नैलानल कहटी नागरिक समाज, राजनीतिक दल तथा अन्य सरोकारवाला निकायसे धनगढीमे हस्ताक्षर अभियान सञ्चालनसँगे विरोधके टमान कार्यक्रम करटी रहल बाटै ।
विफेक रोज कैलालीके प्रमुख जिल्ला अधिकारी मार्फत प्रधानमन्त्रीहे ज्ञापन पत्र समेत बुझाईल बा ।
सरकारसे मंगरक सार्वजनिक करल नीति तथा कार्यक्रममे गेटा मेडिकल नैसमेटल ओ तत्काल सञ्चालनके लाग नागरिक दबाब समूह धनगढीुे आन्दोलन स्वरुप हस्ताक्षर लगायत दवाव मुलक कार्यक्रक सञ्चालन करटी रहल सेती प्रादेशिक अस्पतालके पुर्व मेडिकल सुपरिटेन्डेन्ट डाक्टर गणेश बहादुर सिंह बटैलै । ओहकान अनुसार शुकके नै प्रमुख जिल्ला अधिकारी मार्फत प्रधानमन्त्रीहे ज्ञापन पत्र बुझैना बा कलेसे ४ बजे धनगढीके मुख्य सडक स्थित एलएन चोकमे पत्रकार सम्मेलन आयोजना कैना कार्यक्रम तय हुइल बा ।
जेठ १३ गते सकारे ८ बजे गेटा मेडिकल कलेजमे सांकेतिक विरोध स्वरुप नागरिक स्तरसे स्वास्थ्य सेवा परीक्षण कैना कार्यक्रम रहल दबाब समूह जनैले बा ।
गेटा मेडिकल कलेज सञ्चालन करे पर्र्ना माग रख्टी कैलालीके अत्तरियामे गठित मेडिकल कलेज सञ्चालक संघर्ष समितिसे बुधसे नै आन्दोलके कार्यक्रम आघे बह्रासेकल बा ।
ओस्टेक कैके कैलाली उलेग वाणिज्य संघके आयोजनामे काल्ह (शनिच्चरके रोज) बिहानके ७ः३० बजे धनगढी चौराहासे पार्कमोडसम विरोध ¥याली ओ साँझके ४ बजे सडक धर्ना/पत्रकार सम्मेलन कैना जनागिल बा ।
गेटा मेडिकल कलेज तत्काल सञ्चालन कैना माग
राष्ट्रियसभाके सांसद कैलालीके गेटामे रहल गेटा मेडिकल कलेज तत्काल सञ्चालनमे लाने पर्ना माग करले बाटै ।
राष्ट्रियसभामे आर्थिक वर्ष २०७९/८० के लाग नेपाल सरकारके नीति तथा कार्यक्रम उप्परके छलफल जारी रहल बा । राष्ट्रपति विद्यादेवी भण्डारी इहे जेठ १० गते सङ्घीय संसद्के संयुक्त बैठकमे सम्बोधन करल नीति तथा कार्यक्रमउपर छलफल कैना राष्ट्रियसभामे बिफेक रोज ओ शुकके तोकल रहे ।
शुकके बैठकमे राष्ट्रियसभा सांसद मदनकुमारी शाह (गरिमा) समग्रमे नीति तथा कार्यक्रम आमरुपमे सकारात्मक रहल बटैटी सक्कु क्षेत्र निजी क्षेत्रहे डेनासे फेन सार्वजनिक क्षेत्र सुधारके कार्यक्रम आघे बह्राइ पर्नामे जोड डेली ।
उहाँ कैलालीके गेटामे रहल मेडिकल कलेजके ९० प्रतिशत काम सम्पन्न होसेकल सन्दर्भमे सञ्चालनके लाग नीति तथा कार्यक्रममे उल्लेख नैहुइलमे सुदूरपश्चिमवासी दुःखी हुइल समेत बटैली ।
सांसद नारायणदत्त मिश्र नीति तथा कार्यक्रममे पूर्वाधार विकास, खानेपानी, शिक्षा, स्वास्थ्यलगायत मजा कार्यक्रम रहल उल्लेख कैटी सरकारसे किसानहे अनुदानके व्यवस्था पर्याप्त करलेसे फेन खास किसानसम अनुदान नैपुग्ना प्रवृत्तिमे सुधारके आवश्यकता औँल्याइलै ।
उहाँ कैलालीके गेटामे निर्माण सम्पन्न हुइना क्रममे रहल मेडिकल कलेज इहे आर्थिक बरससे सञ्चालनमे लन्नासमेत माग करलै ।
