थारु अन्तर्राष्ट्रिय महासभा गठन

पहुरा समाचारदाता
धनगढी, १३ जेठ । नेपाल ओ भारतके थारु समुदायके चौतर्फी विकास समन्वय कैना उद्देश्यसे थारु अन्तर्राष्ट्रिय महासभा गठन कैगिल बा ।

यिहे जेठ ९ गते भारतिय थारु कल्याण महासंघ हरनाटाँड विहारके स्वर्ण जयन्तीके अवसर पारके थारु अन्तर्राष्ट्रिय महासभा गठन कैगिल हो । सभासे दिपनारायण प्रसाद चौधरी (हरनाटाँड, विहार)के अध्यक्षतामे थारु अन्तर्राष्ट्रिय महासभा गठन कैगिल बा । महासभाके उपाध्यक्षमे रमेश चन्द्र राणा (खटिमा, उत्तराखण्ड), शारदा देवी (महराजगंज, उत्तराखण्ड) रहल बटै ।

महामन्त्रीमे लक्ष्मण थारु (नेपाल), कोषाध्यक्षमे शैलेन्द्र गडवाल ( महामन्त्री भारतिय थारु कल्याण महासंघ विहार) रहल बटै । महासभाके मन्त्रीमे वृजमोहन चौधरी( केन्द्रीय नेपाल), प्रभा चौधरी (दाङ, नेपाल), प्रेमवती राना (पश्चिम नेपाल), श्रवण चौधरी (सप्तरी नेपाल), दानसिंह राणा (खटिमा उत्तराखण्ड), अवधविहारी चौधरी (महाराजगंज, उत्तराखण्ड) रहल बटै ।

महासभाके संरक्षणमे गोपालसिंह राणा (विद्यायक नानकमता, खटिमा उत्तराखण्ड), विजयबहादुर चौधरी (अध्यक्ष मूल आदिवासी जनजाति कल्याण संस्थान भारत वर्ष, महाराजगंज उत्तराखण्ड) डा. शारदा प्रसाद हरनाटाँड,विहार), रामकुमार चौधरी, नेपाल) रहल बटै ।

ओस्टेक महासभाके ओडिटरमे अनिरुद्र प्रसाद (हरनाटाँड विहार), कृष्ण चौधरी (चितवन नेपाल) रहल बटै । महासभाके पहिल बैठक असार १८ गते (२ जुलाई २०२२) लुम्बिनीमे वैठना महामन्त्री लक्ष्मण थारु जनैलै ।