सूचनाके हकके लाग राष्ट्रिय महासंघमे जोशी

पहुरा समाचारदाता
धनगढी, १४ जेठ । सूचनाके हकके लाग राष्ट्रिय महासंघ कैलाली शाखामे पत्रकार पुष्पराज जोशी चयन हुइल बटैं । यकरआघे राष्ट्रिय सञ्जालके रुपमे क्रियाशील रहिके काम करटि आइल सञ्जाल वैधानिक रुपमे महासंघमे परिणत हुइल हो । सञ्जालसे महासंघमे परिणत हुइलपाछे प्रथम अधिवेशनसे पत्रकार जोशी सर्वसम्मतरुपमे अध्यक्षमे चयन हुइल बटैं ।

अधिवेशन उपाध्यक्षमे रसुता जैरु, सचिवमे विजय राना, सहसचिवमे कामदेव ओझा, कोषाध्यक्षमे देवबहादुर बिक ओ सदस्यमे जमुना न्यूरे (घोडाघोडी), चन्द्रकान्त पनेरु (धनगढी), राजन जैगडी (गोदावरी), नवराज जोशी (फूलवारी), झलनाथ खनाल (टीकापुर), चन्द्रकला बिक (बर्दगोरिया), चन्द्र खनाल (लम्कीचुहा), धनबहादुर चौधरी (धनगढी), पुष्कर पौडेल (धनगढी), सुदर्शन श्रेष्ठ (धनगढी), समीरप्रसाद भट्ट (धनगढी), सुनिता विक (धनगढी) हे चनय करले बा ।

ओस्टेक कैलालीके अन्य पालिकासे महासंघके पहिल बैठकसे मनोनित करनामेरिक सदस्य थपि । ओस्टेक अधिवेशनसे चार÷चार सदस्यीय प्रदेश ओ केन्द्रीय प्रतिनिधि फेन मनोनित करल बा । प्रदेश प्रतिनिधिमे प्रेम ढुंगाना, निराजन परियार, सरस्वती साफरी ओ ठाकुरप्रसाद करियाप्रधान तथा केन्द्रीय प्रतिनिधिमे श्रवण देउवा, रमा भट्टराई, तमन्ना नेपाली ओ कृतबहादुर बिष्टहे मनोनित करल बा ।

सुदूरपश्चिम प्रदेशके आन्तरिक मामिला तथा कानुन मन्त्री डा. रणबहादुर रावल कार्यक्रमके उद्घाटन करटि प्रदेश सरकार फेन सूचनाके हकके लाग सहज रहल बटैलैं । उहाँ कलैं, सरकारसे करना काम अप्नेन्के करडेले बटि, ओम्ने महार फेन सहयोग ओ समर्थन करब ।

कार्यक्रममे नवनिर्वाचित कार्यसमितिह बधाई डेटि सूचनाके हकके लाग राष्ट्रिय महासंघके राष्ट्रिय अध्यक्ष उमीद बागचन वडासे लेके पालिका हुइटि जिल्ला ओ जिल्लासे प्रदेश होके राष्ट्रियरुपमे समिति गठन हुइटिरहल बटैलैं ।