पानीमे डुबके वेपत्ता हुइल २ नाबालक मृत अवस्थामे फेला
पहुरा समाचारदाता
धनगढी, १५ जेठ । कैलाली धनगढी उपमहानगरपालिका वडा नम्बर ३ चटकपुर धनगढीसे कञ्चनपुर राजघाट जोरना पक्की पुल टरे मोहना लडियामे डुबके दुई जाने मुवल बटै ।
जेठ १५ गते १२ः१५ बजेके समयमे धनगढी उपमहानगरपालिका वडा नम्बर ३ विसालनगर बैठना अशोक चौधरीके छावा वर्ष १० के अनुप चौधरी ओ उहे ठाउँक राजेश गुप्ताके छावा वर्ष १२ के विष्णु गुप्तान २ जाने बालक लहैना क्रममे पानीके तलाउमे डुबल कना स्थानीयहुकनसे यी कार्यालयमे जानकारी डेहल रहिट ।
जानकारी पैटीकी उ ठाउँमे प्रहरी टोली खटके स्थानीय लगायत सुरक्षाकर्र्मीहुक्रे खोज तलास कैना क्रममे दुपहर १३ः२५ बजेक समयमे दुनु बालक उहे स्थानमे मृत अवस्थामे फेला पारल जिल्ला प्रहरी कार्यालय कैलाली जनैले बा ।
घटनास्थल लगायतके अनुसन्धान कार्य पुरा करके दुनु लाशहे पोष्टमार्टमके लाग सेती प्रादेशिक अस्पतालके शव गृहमे रहल ओ थप अनुसन्धान हुइटी रहल प्रहरी जनैले बा ।
