कैलालीमे एक दम्पत्ति मृत फेला

पहुरा समाचारदाता
धनगढी, १७ जेठ । कैलालीमे एक दम्पत्ति मृत अवस्थामे फेला परल बाटै । गोदावरी नगरपालिका–७ हरैयामे ६५ वर्षीय हेमबहादुर ऐर र ५५ वर्षीया पदमा ऐर मृत फेला परल हुइट ।

गोसिया घर बाहर झुलल् अवस्थामे ओ गोसिनीया घरभिट्रे बिस्तरामे घाँटी रेटल अवस्थामे मृत फेला परल इलाका प्रहरी कार्यालय मालाखेती जनैले बा ।

घटनाके प्रकृति हेरेबर गोसिया आपन गोसिनीयाके हत्या कैके आत्महत्या करल हुइ सेक्ना जिल्ला प्रहरी कार्यालय कैलालीके प्रहरी नायब उपरीक्षक वेदप्रकाश जोशी बटैलै । ओहकान अनुसार घटनास्थलसे एकठो खुकरी फेला परल बा । घटनाबारे थप अनुसन्धान हुइटी रहल जिल्ला प्रहरी कार्यालय कैलाली जनैले बा ।