रक्तदान कार्यक्रम हुइल
पहुरा |
१७ जेष्ठ २०७९, मंगलवार
पहुरा समाचारदाता
हसुलिया, १७ जेठ । रक्तदान जीवन दान कना मुल उद्देश्यसे कैलालीक् कैलारी गाउँपालिका–१ हसुलियामे रक्तदान कार्यक्रम हुइल बा ।
नेपाल तरुण दल कैलारी गाउँपालिका कार्यसमितिके आयोजनामे रक्तदान कार्यक्रम हुइल रहे । इ रक्तदान कार्यक्रममे कैलारी गाउँपालिका भिट्टरके ५४ जाने जवान मनैं रकट दान डेले बटैं । जेम्नेसे ४ जाने जन्नी मनै ओ ५० जाने ठारु मनै फेन सहभागी हुइल दलके अध्यक्ष श्रीराम चौधरी जानकारी डेलैं ।
उहाँ कहलैं, रकट डेना कलक काम पुन्य कैना काम हो । ओहेमारे एक बुँडा रकट डेके केक्रो ज्यान बचटा कलेदे हम्रे अपन मानवीय गुण लगाइ परठ ।
