गौरीगंगामे नेपाली काँग्रेस ६ ओ एकीकृत समाजवादी २ सीटमे विजयी

पहुरा समाचारदाता
धनगढी, १८ जेठ । गौरीगंगा नगर कार्यपालिका पदके लाग हुइल निर्वाचनमे नेपाली काँग्रेस छ सीट जित्टी बहुमत कायम करले बा । नगर कार्यपालिकाके लाग महिला सदस्य तथा दलित वा अल्पसंख्यक सदस्य लगायत ८ पदमे हइल निर्वाचनमे १६ जनहनके उम्मेदवारी परल रहे ।

जेम्ने नेपाली काँग्रेस ६ सीटमे विजयी प्राप्त करले बा । कलेसे २ सीटमे नेपाल कम्युनिष्ट पार्टी(एकीकृत समाजवादी) जित हासिल करले बा ।

महिला सदस्य ओर नेपाली काँग्रेसके रुपा देवी जैशी, लक्ष्मी देवी विक, हरिना देवी खाती ओ उर्मिला बम ओ नेपाल कम्युनिष्ट पार्टी (एकीकृत समाजवादी) के जानकी देवी चौधरी विजयी हुइल बाटी ।

ओस्टके दलित वा अल्पसंख्यक सदस्यमे नेपाली काँग्रेसके विशाल खवास, इन्द्रकली देवी विश्वकर्मा ओ नेपाल कम्युनिष्ट पार्टी(एकीकृत समाजवादी) के मदन नेपाली विजयी हुइल बाटै ।