रासायनिक मलके माग सहित प्रधानमन्त्रीहे ज्ञापन

पहुरा समाचारदाता
धनगढी, १९ जेठ । अखिल नेपाल किसान महासंघ कैलालीसे तत्काल मल उपलब्ध करैना माग कैटी प्रधानमन्त्री शेरबहादुर देउवाहे ज्ञापनपत्र बुझाइल बा ।

बिफेक रोज मलखाद लगायतके समस्या समाधान कैना माग कैटी जिल्ला प्रशासन कार्यालय कैलालीमार्फत महासंघसे प्रधानमन्त्रीहे ज्ञापन पत्र बुझाइल हो ।

कृषकहे तत्काल सहुलियत दरमे बिऊविजन तथा मलखादके व्यवस्था करे पर्र्ना, सिँचाईके व्यवस्था करे पर्ना, सहुलियत दरमे कृषि ऋण उपलब्ध कराइ पर्र्ना, कैलालीमे मलखाद उत्पादन तथा फर्टिलाइजर कारखाना स्थापना करे पर्र्ना लगायतके माग महासंघसे रख्ले बा ।