कैलालीहे संघसे ६ अर्ब ५५ करोड ८३ लाख बजेट अनुदान
पहुरा सामाचारदाता
धनगढी, २० जेठ । अइना आर्थिक वर्ष २०७९/८० मे कैलाली जिल्लाके १३ स्थानीय तह अन्तरसरकारी वित्तीय हस्तान्तरणमार्फत ६ अर्ब ५५ करोड ८३ लाख बजेट अनुदान पैले बा ।
समानीकरण अनुदान ओर २ अर्ब २८ करोड ३२ लाख, सर्शत अनुदान ओर ३ अर्ब ८५ करोड ५१ लाख, विशेष अनुदानमे २० करोड ७० लाख, सम्पुरक अनुदान पुँजी २१ करोड ३० लाख करके कुल ६ अर्ब ५५ करोड ८३ लाख बजेट अनुदान पाइल हो ।
धनगढी उपमहानगरपालिका ९६ करोड ४८ लाख पैले बा । जेम्ने समानीकरण अनुदान ओर ३२ करोड ८० लाख, सर्शत अनुदान ओर ५८ करोड १८ लाख, विशेष अनुदानमे २ करोड २० लाख, सम्पुरक अनुदान पुँजी ३ करोड ३० लाख करके ९६ करोड ४८ लाख बजेट अनुदान पैले बा ।
स्थानीय तह अन्तरसरकारी वित्तीय हस्तान्तरणमार्फत कैलारी गाउँपालिका ४१ करोड ७८ लाख बजेट पैले बा । जेम्ने समानीकरण अनुदानओर १५ करोड ९३ लाख, सशर्त अनुदानओर २५ करोड ८५ लाख करके ४१ करोड ७८ लाख बजेट अनुदान पाइल हो ।
ओस्टेक करके चुरे गाउँपालिका ३१ करोड ३७ लाख, जानकी गाउँपालिका ३१ करोड २८ लाख, जोशीपुर गाउँपालिका ३३ करोड ५३ लाख, बर्दगोरिया गाउँपालिका ३५ करोड १७ लाख, मोहन्याल गाउँपालिका ३१ लाख २८ करोड बजेट अनुदान पैले बा ।
ओस्टेक नगरपालिकामे सबसेढेर बजेट पाइलमे लम्की चुहानगरपालिका ७३ करोड ५५ लाख, घोडाघोडी नगरपालिका ६६ करोड २१ लाख, गोदावरी नगरपालिका ६१ करोड ८९ लाख, गौरीगंगा नगरपालिका ४२ करोड ६८ लाख, टीकापुृर नगरपालिका ५४ करोड ९९ लाख ओ भजनी नगरपालिका संघीय सरकारसे अइना आर्थिक वर्ष २०७९/८० मे कैलाली जिल्लाके १३ स्थानीय तह अन्तरसरकारी वित्तीय हस्तान्तरणमार्फत ४३ करोड ७८ लाख बजेट पाइल हो । नगरपालिका भरिम सबसे कम गौरीगंगा नगरपालिका ४२ करोड ६८ लाख बजेट अनुदान पाइल हो ।
संघीय सरकारसे नानल बजेटमे प्रदेश सरकारके लाग १ खर्ब २९ अर्ब ४६ करोड ६ लाख रुप्या अनुदान डेले बा । संघीय सरकारसे सातु प्रदेश सरकार ओ स्थानीय तहहुकनहे समानीकरण, विशेष, ससर्त ओ समपुरक अनुदान करके ४ शीर्षकमे सरकार बजेट छुट्याइल हो । प्रदेशओर यी बार सबसे ढेर बजेट बागमती प्रदेशमे ओ सबसे कम गण्डकी प्रदेशमे गैल बा ।
सबसे ढेर बजेट पाइल बागमती प्रदेशमे २० अर्ब ३२ करोड, ६६ लाख रकम हस्तान्तरण हुइना बा । बागमतीमे ८ अर्ब ४० करोड ४६ लाख समानीकरण अनुदान, १० अर्ब ९ करोड २० लाख ससर्त अनुदान, ७९ करोड विशेष अनुदान, १ अर्ब ४ करोड समपुरक अनुदान छुट्याइल बा । सबसे कम वित्तीय हस्तान्तरणसे अनुदान पाइल गण्डकी प्रदेश १६ अर्ब ५४ करोड ३२ लाख रुप्या पैले बा । जेम्ने ७ अर्ब ९२ करोड ७९ लाख रुपैयाँ समानीकरण अनुदान, ससर्त अनुदान ६ अर्ब ९१ करोड ८३ लाख रुपैयाँ, ८६ करोड विशेष ओ ८३ करोड ३० लाख रुपैयाँ समपुरक अनुदान पैले बा ।
बजेटसे सुदुरपश्चिम प्रदेशमे १७ अर्ब ५५ करोड ८३ लाख रुप्या वित्तीय हस्तान्तरण करले बा । जेम्ने समानीकरण अनुदान ओर ९ अर्ब ७५ करोड रुप्या रहल बा । कलेसे, ससर्त अनुदानओर ६ अर्ब ९८ करोड ८० लाख रुप्या, विशेष अनुदान ९७ करोड ७८ लाख ओ समपुरकमे ७६ करोड ५० लाख रुप्या बजेट डेहल हो ।
प्रदेश एकमे १९ अर्ब ९ करोड ९१ लाख रुप्या वित्तीय हस्तान्तरण हुूइल बा जेम्ने ९ अर्ब ८२ लाख समानीकरणओर, ८ अर्ब ६९ करोड, ५९ लाख ससर्त अनुदान ओर, ४७ करोड ५० लाख विशेष अनुदान ओर, ९२ लाख समपुरक अनुदान ओ वित्तीय हस्तान्तरण हुइल बा ।
ओस्टेक करके मधेस प्रदेश ओर १९ अर्ब १५ करोड ९ लाख रुप्या हस्तान्तरण हुइना बा । जेम्ने ७ अर्ब, ८१ करोड ५८ लाख समानीकरण ओर, १० अर्ब ६ करोड ५१ लाख, विशेष अनुदान ओर, ४९ करोड, ओ समपुरक अनुदान ७८ करोड रुपैयाँ हस्तान्तरण करल हो ।
लुम्बिनी प्रदेशमे समानीकरण अनुदान ८ अर्ब ५४ करोड १७ लाख रुपैयाँ, ससर्त अनुदान ८ अर्ब ७१ करोड २२ लाख रुपैयाँ, ३८ करोड ३५ लाख रुपैयाँ विशेष अनुदान ओ समपुरकमा ७३ करोड ९० लाख रुपैयाँ करके १८ अर्ब ४७ करोड ६४ लाख पैले बटै ।
ओस्टेक करके कर्णालीमे समानीकरण अनुदान १० अर्ब ७२ करोड ६४ लाख रुपैयाँ, विशेष अनुदान ५ अर्ब ६९ करोड ६७ लाख रुपैयाँ, ६६ करोड ८० लाख ओ समपुरक ओर १ अर्ब २१ करोड ५० लाख रुपैयाँ करके जम्मा १८ अर्ब ३० करोड ६१ लाख रुपैयाँ हस्तान्तरण हुइल हो ।
प्रदेश ओ स्थानीय तहमे जैना रकम
प्रदेशमे कैना वित्तीय हस्तान्तरणओर समानीकरण अन्तर्गत न्यूनतम अनुदान सक्कु प्रदेशमे करके जम्मा १५ अर्ब ३५ करोड ८० लाख, सुत्रमे आधारित अनुदान ४३ अर्ब ७७ करोड ३ लाख ओ कार्यसम्पादनमे आधारित करके २ अर्ब ३० करोड ३८ लाख करके जम्मा ६१ अर्ब ४३ करोड २१ लाख रुपैयाँ हस्तान्तरण हुइल बा ।
ओस्टेक ससर्तओर ५७ अर्ब १६ करोड ८२ लाख हस्तान्तरण हुइल बा । जेम्ने १५ अर्ब ७२ करोड ३० लाख ओ पूँजीगतओर ४१ अर्ब ४४ करोड ५२ लाख रुपैयाँ रहल बा । ओस्टेक विशेषओर सक्कु प्रदेशमे करके ४ अर्ब ५६ करोड ४३ लाख रुपैयाँ हस्तान्तरण हुयल बा । समपुरकओर ६ अर्ब २९ करोड ६० लाख रुप्या हस्तान्तण हुइल बा ।
प्रदेशमे गैल बजेट मन्से ७७ अर्ब ९२ करोड १ लाख रुप्या चालुगत ओ पूँजीगतओर ५१ अर्ब ५४ करोड ५ लाख रुप्या हस्तान्तरण हुइल बा ।
