कैलालीमे जिससमे प्रमुख नागरिक उन्मुक्ती, उपप्रमुख एमाले ओ चार सदस्य माओवादी लेना सहमति
पहुरा समाचारदाता
धनगढी, १९ जेठ । कैलाली जिल्लामे जिल्ला समन्वय समिति नागरिक उन्मुक्ती पार्टीके नेतृत्वमे बन्ना हुइल बा ।
एमाले ओ माओवादीसंगके सहकार्यमे रेशम चौधरी संरक्षक रहल नागरिक उन्मुक्ती जिसस प्रमुख पैना हुइल हो । प्रमुखसंगे नागरिकसे थप दुई सदस्य लेना सहमति विफे रोज हुइल बा ।
ओस्टेक एमालले उपप्रमुख ओ एक सदस्य पैना सहमति हुइल एमाले कैलालीके सचिव डेजी पाण्डेय बटैलै । ओस्टेक माओवादी चार जाने समन्वय समितिके सदस्य पैना हुइल बा ।
१३ स्थानीय तह रहल कैलालीमे जिसस बनैना १४ जाने प्रमुख/उपप्रमुख आवश्यक रहठ ।
नागरिक उन्मुक्ती, एमाले ओ माओवादी मिल्के १६ जाने पुग्ठै । कैलालीमे नागरिक उन्मुक्तीसे चार प्रमुख ओ तीन उपप्रमुख जिटले बा । एमाले दुई प्रमुख ओ तीन उपप्रमुख जिटले बा । ओस्टेक माओवादी दुई प्रमुख ओ दुई उपप्रमुख जिटले बा ।
ओस्टेक करके काँग्रेस तीन प्रमुख ओ पाँच उपप्रमुख जिटले बा । ओस्टेक एकीकृत समाजवादी ओ स्वतन्त्र १/१ प्रमुख जिले बटै । कैलालीमे काँग्रेस, माओवादी ओ समाजवादी मिलके स्थानीय तह चुनाव लरल रहे । कैलालीमे यी आघे एमाले प्रमुख, उपप्रमुख ओ बहुमत सदस्यसहित जिसस बनैले बा ।
