आगलागि पीडित विपतपुरवासीहुकनहे राहत हस्तान्तरण
पहुरा समाचारदाता
धनगढी,१९ जेठ । कैलालीके कैलारी गाउँपालिका वडा नम्बर ७ के आगलागि पीडित विपतपुर मुक्तकमैया बस्तीमे नगद ओ जिन्सी खाद्यन्न राहत सहयोग कैगिल बा ।
विफेक रोज धनगढी उपमहानगरपालिका नगरस्तरीय भल्मन्सा तदर्थ समितिके संयोजक सरोज चौधरी ओ सक्कु भल्मन्साहुकनके पहलमे नगद ओ जिन्सी खाद्यन्न राहत सामाग्री हस्तान्तरण कैगिल बा ।
कैलारी गाउँपालिका अध्यक्ष राजसमझ चौधरीके रोहवारमे आगलागि पीडित विपतपुर मुक्तकमैया बस्तीमे नगद ओ जिन्सी खाद्यन्न राहत हस्तान्तरण करल सहयोग कैगिल उपमहानगरपालिका तदर्थ समितिके अध्यक्ष सरोज चौधरी बटैलै ।
धनगढी–८ से १७ हजार ४६०, प्रेसकुकर १ थान, पुरान कपरा ४ कट्टा, जुत्ताचप्पल १ कट्टा, सी गाउँक ओरसे धान, गोहुँ, चाउर ४ क्वीन्ट, नगद १०५, एच गाउँक ओरसे नगद १५ सय ३५, धान १क्वीन्टल ५० किलो डेहल बा ।
ओस्टेक करके कनरी गाउँक ओरसे नगद ६०५ रुप्या, धान, गोहु चाउर करके १५ क्वीन्टल, तरबरिया गाउँक ओरसे नगद १ हजार ३० रुप्या, पथरी गाउँक ओरसे ५ क्वीन्टल धान, घुरही गाउँक ओरसे धान गोहु ५ क्वीन्टल ओ भादा गाउँक ओरसे धान गोहुँ, चाउर १८ क्वीन्टल डेहल बा ।
राहत हस्न्तान्तरण कार्यक्रममे वडा नम्बर ७ के वडा सदस्य उमेशकुमार चौधरी, भाडाके भल्मन्सा सन्तराम चौधरी, इ गाउँक भल्मन्सा जोगीलाल चौधरी, घुरहीके भल्मन्सा जगतराम चौधरी, पथरीके भल्मन्सा अवसर चौधरी, नुक्लीपुरके भल्मन्सा कृष्णराम चौधरी, कनरी गाउँक भल्मन्सा जीतराम चौधरी, तरबरीया टोल उर्माके भल्मन्सा चक्रबहादुर चौधरी, धनगढी गाउँक सूर्य प्रसाद चौधरी, इ गाउँक प्रेम सागर चौधरी लगायतके उपस्थिति रहे । गैल बैशाखमे आगलागिसे विपतपुरके गाउँ ध्वस्त हुइल अवस्था रहे ।
