किरण नेपालसे नवनिर्वाचित जनप्रतिनिधिहुकन शुभकामना तथा अभिनन्दन कार्यक्रम

पहुरा समाचारदाता
हसुलिया, २१ जेठ । कैलाली एकिकृत उत्थान कार्य संजाल (किरण) नेपाल कैलारी गाउँपालिकाके नवनिर्वाचित जनप्रतिनिधिहुकनहे शुभकामना तथा अभिनन्दन कार्यक्रम करले बा ।

कैलारी गाउँपालिका–३ मे रहल किरण नेपाल शनिच्चरके रोज एक कार्यक्रमके आयोजना करके नवनिर्वाचित जनप्रतिनिधिहुकनहे शुभकामना तथा अभिनन्दन कार्यक्रम करल हो ।

कैलारी गाउँपालिका अध्यक्ष राजसमझ चौधरीके वडका पहुना ओ उपाध्यक्ष भगवतीकुमारी चौधरी चौधरीके विशिष्ट पहुनामे कार्यक्रम कैगिल बा । कार्यक्रममे वडका पहुना गाउँपालिका अध्यक्ष राजसमझ चौधरी किरण नेपाल सामाजिक क्षेत्रमे योगदान पुगाइल बटैलै ।

किरण नेपालके अध्यक्ष अमृतचन्द्र चौधरीके अध्यक्षतामे हुइल कार्यक्रममे कैलारी गाउँपालिका–३ के वडा अध्यक्ष सन्तराम चौधरी, वडा सदस्य किसुनलाल चौधरी, सैतुराम चौधरी, महिला सदस्य सकुन्तला चौधरी, दलित महिला सदस्य पार्वती विक, किरण नेपालके सल्लाकार हरिराम चौधरी, सदस्य भिखराम चौधरी लगायतके उपस्थििति रहल कैलारी गाउँपालिका अध्यक्षके स्वकीय सचिव जितेन्द्र चौधरी जनैलै ।

कार्यक्रममे किरण नेपालके सदस्य दिनेश चौधरी संस्थाके बारेमे जानकारी डेहल रहिट कलेसे कैलारी गाउँपालिकाके नवनिर्वाचित जनप्रतिनिधिहुकनहे शुभकामना तथा अभिनन्दन कार्यक्रमके संचालन मुकेश बखरिया करले रहिट ।