कलाकार मञ्चसे स्वागत ओ बधाई कार्यक्रम

पहुरा समाचारदाता
हसुलिया, २१ जेठ । राष्ट्रिय थारु कलाकार मञ्च सुदूरपश्चिम प्रदेशसे कैलारी गाउँपालिकाके नवनिर्वाचित जनप्रतिधिहुकनहे स्वागत ओ बधाई कार्यक्रम करले बा ।

मञ्चसे शनिच्चरके रोज हसुलियामे एक कार्यक्रमके विच नवनिर्वाचित जनप्रतिधिहुकनहे स्वागत ओ बधाई कार्यक्रम करल हो । कैलारी गाउँपालिकाकेृ अध्यक्ष राजसमझ चौधरीके वडका पहुना ओ उपाध्यक्ष भगवतीकुमारी चौधरीके विशिष्ट पहुनामे नवनिर्वाचित जनप्रतिधिहुकनहे स्वागत ओ बधाई कार्यक्रम करल रहे । कार्यक्रमके वडका पहुना गाउँपालिका अध्यक्ष राजसमझ चौधरी थारु कलाकारहुकनके थारु कला संस्कृति जर्गेना कैनामे भारी योगदान रहल चर्चा करलै । विशिष्ट पहुना गाउँपालिका उपाध्यक्ष भगवतीकुमारी चौधरी लोप हुइना अवस्थामे पुगल थारु लोक संस्कृतिहे फेरसे जिवन्त रख्ना थारु कलाकारहे भुमिका रहल उहाँ बटैली । राष्ट्रिय थारु कलाकार मञ्च प्रदेश कोषाध्यक्ष राजु चौधरी (राज) थारु कलाकार संगे पुर्खानके चलाइल परम्पराहे जोगैना सक्कु जानेक लागे जरुरी रहल बटैलै ।

नवनिर्वाचित जनप्रतिधिहुकनहे स्वागत ओ बधाई कार्यक्रममे कैलारी गाउँपालिका वडा नम्बर ३ के वडा अध्यक्ष सन्तराम चौधरी, वडा नम्बर ४ के वडा अध्यक्ष ठागुराम चौधरी, कलाकार तथा निर्देशक चन्द्र चौधरी (चाँद), वडा सदस्यहुक्रे किसुनलाल चौधरी, सैतुराम चौधरी लगायतके उपस्थििति रहल कैलारी गाउँपालिका अध्यक्षके स्वकीय सचिव जितेन्द्र चौधरी जनैलै ।
मञ्चके संयोजक संगत थारुके अध्यक्षतामे हुइल कार्यक्रमके संचालन अनिल कुश्मी करले रहिट ।
उहे मञ्चसे कैलारी गाउँपालिका अध्यक्ष राजसमझ चौधरीहे चार बुँदे माग सहित ज्ञापनपत्र बुझैले बा ।

ज्ञापनपत्रमे थारु कलाकारहुकनके स–सम्मान बाँचे पैना अधिकार सुनिश्चित करे पर्ना, थारु कलाकारहुकनके हकहित, सुरक्षा, सम्वर्द्धनके लाग तथा भैईपरि अइना टमान समस्या समाधानके लाग राष्ट्रिय थारु कलाकार मंच सुदूरपश्चिम उप–समितिके नियन्त्रण तथा व्यवस्थापनमे रहना करके अक्षयकोषके स्थापनाके लाग अनुरोध कैगिल बा ।
यी पालिकामे थारु समुदायके कला, संस्कृति, गीतबास, भेषभुषा संरक्षण सम्बर्द्धनके लाग बजेट फछ्यौट तथा विनियोजन करके सम्बन्धित शिर्षकके रकम पारदर्शी ओ भरपर्दो सम्पन्न करेक लाग राष्ट्रिय थारु कलाकार मंच सुदूरपरिचम उप–समितिसंग सहकार्यके लाग अनुरोध करल बा ।

ओस्टेक करके यी पालिकासे आयोजना कैना टमान सांस्कृतिक कार्यक्रम सु सम्पन्न कैना ओ टमान जनचेतनामुलक भिडियो, गीत संगीत, डकुमेन्ट्री निर्माण वितरणके लाग समन्वय ओ सहकार्यके लाग माग करल बा ।