धनगढीके नेशनल चोकमे राष्ट्रिय झण्डा फहराइल

पहुरा समाचारदाता
धनगढी, २१ जेठ । धनगढीस्थीत नेपाल–भारत सीमा गौरीफन्टा जोर्ना ६ लेन सडक चोकमे राष्ट्रिय झण्डा फहराइल बा । धनगढीस्थीत नेपाल–भारत सीमा गौरीफन्टा जोर्ना ६ लेन सडक नेशनल चोकमे राष्ट्रिय झण्डा राखल हो ।

शनिच्चरके धनगढी उपमहानगरपालिकाके मेयर गोपाल हमाल झण्डात्तोलन करल रहिट । नेपाल–भारत सीमा गौरीफन्टा जोर्ना ६ लेन सडकके चोकमे मालिका युवा सञ्जालसे झण्डाके लाग पोलके व्यवस्थापन करल हो । धनगढी उपमहानगरपालिका वडा नम्बर २ मे रहल सञ्जालसे टमान व्यक्तिनसे रकम संकलन कैटी झण्डाके लाग पोलके व्यवस्थापन करल हो ।

झण्डात्तोलन कार्यक्रममे सम्बोधन कैटी मेयर हमाल सञ्जालसे धनगढीके फोहोर व्यवस्थापनमे फेन सहयोग कैना आग्रह करल रहिट । उहाँ फोहोर व्यवस्थापनके लाग जनताके फेन सहयोग हुइ पर्ना ओ सञ्जालसे जनचेतनाके कार्यक्रम करे पर्ना बटैलै । नेपाल–भारत सीमामे रहल सञ्जालसे भारतीय पर्यटकके सम्मान तथा स्वागतके लाग फेन कार्यक्रम करे पर्ना बटैलै ।

गौरीफन्टा सीमा क्षेत्रमे पर्यटक सूचना केन्द्र स्थापना कैना बटैटी हमाल सञ्जाल तथा नागरिकहे फेन भारतीय पर्यटकहे स्वागत ओ सूचना डेहे पर्नामे जोड डेहल रहिट ।