टमान व्यक्तित्व सम्मानित

पहुरा समाचारदाता
धनगढी, २१ जेठ । धनगढीस्थित कैलाली जनपुस्तकालय शनिच्चरके रोज ६५ औं वार्षिकोत्सक मनैले बा । उ अवसरमे स्रष्टा सम्मान, टमान लेखकसे लिखल पुस्तकके विमोचन, साहित्यिक तथा सांस्कृतिक कार्यक्रम हुइल बा । वार्षिकोत्सकके अवसरमे साहित्यिक स्रष्टा, टमान क्षेत्रमे महत्वपूर्ण योगदान पुगाइल व्यक्तित्वहुनहे पुरस्कृत तथा सम्मान करल हो ।

उ अवसरमे पूर्ण–कृष्ण स्मृति राष्ट्रिय प्रतिभा पुरस्कार (२०७८) से कवि मनिराज जोशी नगद २५ हजारसहित पुरस्कृत हुइल बटैं । चित्रबहादुर कार्की स्मृति राष्ट्रिय समाजसेवा पुरस्कार (२०७८) से समाजसेवी हेमराज ओझा नगद ११ हजार १ सय १५ सहित पुरस्कृत हुइल बटैं ।

ओस्टेक, दिनानाथ राष्ट्रिय साहित्य प्रतिभा पुरस्कार तथा अभिनन्दन (२०७८) से वरिष्ठ साहित्यकार तथा संस्कृतिविद् प्रा.डा. कुसुमाकर न्यौपाने (पोखरा) नगद ११ हजारसहित पुरस्कृत हुइल बटैं । कैलाली जनपुस्तकालय पुरस्कार (२०७८) से समाजसेवी धनञ्जय तिमिल्सिना (टीकापुर) नगद ११ हजारसहित पुरस्कृत हुइल बटैं । तिलोत्तमा राष्ट्रिय शैक्षिक साधना पुरस्कार (२०७८) से गोपालदत्त बडू (कञ्चनपुर) नगद ११ हजारसहित पुरस्कृत हुइल बटैं ।

भोजराज–हरिप्रिया राष्ट्रिय समाजसेवी पुरस्कार (२०७८) से धनगढी उपमहानगरपालिकाके निवर्तमान मेयर नृपबहादुर वड नगद १० हजारसहित पुरस्कृत हुइल बटैं । यज्ञराज यात्री राष्ट्रिय साहित्य साधना पुरस्कार (२०७८) से वीरबहादुर चन्द (महेन्द्रनगर) नगद १० हजारसहित पुरस्कृत हुइल बटैं कलेसे सूर्यप्रसाद–विष्णुदेवी राष्ट्रिय साहित्य पुरस्कार (२०७८) से वासुदेव पाण्डेय ‘प्रभाकर’ (बैतडी) नगद १० हजारसहित पुरस्कृत हुइल बटैं । सावित्री–कमल राष्ट्रिय लोक संस्कृति पुरस्कार (२०७८) से पूर्णानन्द ओझा (डोटी, गडसेरा) नगद १० हजारसहित पुरस्कृत हुइल बटैं ओ हर्ष–पार्वती राष्ट्रिय लोक संस्कृतिक पुरस्कार (२०७८) से कलाकार/प्राज्ञ यज्ञराज उपाध्याय (अछाम) नगद १० हजारसहित पुरस्कृत हुइल बटैं ।

ओस्टेक, उ अवसरमे शिविष्ट शिक्षासेवी राष्ट्रिय सम्मान (२०७८) से प्रा. शिवराज श्रेष्ठ, पहलमानसिंह स्वार स्कृति राष्ट्रिय सम्मान (२०७८) से धनगढीके पूर्व मेयर खेमराज पाण्डेय, द्वारिकादेवी ठकुराठी स्मृति राष्ट्रिय सम्मान (२०७८) से राजयोगिनी ब्रम्हाकुमारी हीरा, देवकान्त पन्त राष्ट्रिय लोकसांस्कृतिक सम्मान (२०७८) से सुरत रावत ‘डोटेली कान्छा’, एन्डी प्रकाश चटौत स्मृति राष्ट्रिय सम्मान (२०७८) से उदयबहादुर महता सम्मानित हुइल बटैं ।

ओस्टके, दिनाथान भट्ट स्मृति राष्ट्रिय समाजसेवी सम्मान (२०७८) से दुर्गाप्रसाद भण्डारी, बीपी कोइराला स्मृति सम्मान (२०७८) से डा. मेराज आलम अन्सारी, दशरथ चन्द स्मृति राष्ट्रिय सम्मान (२०७८) से सीताराम जोशी, परिमल स्नेही स्मृति राष्ट्रिय लोक नृत्य सम्मान (२०७८) से खगेन्द्र नेपाल (बर्दिया), खड्गबहादुर सिंह स्मृति राष्ट्रिय शिक्षासेवा सम्मान (२०७८) से सीताराम अवस्थी सम्मानित हुइल बटैं ।

विशिष्ट समाजसेवी सम्मान (२०७८) से कमलसिंह साहू, जयपृथ्वीबहादुर सिंह राष्ट्रिय शिक्षासेवा सम्मान (२०७८) से तेजबहादुर सिंह, कृष्णबहादुर श्रेष्ठ स्मृति राष्ट्रिय सम्मान (२०७८) से छविलाल लटौला जोशी (डोटी), बद्रीनाथ स्मृति राष्ट्रिय सम्मान (२०७८) से सब–इञ्जिनियर दीर्घराज जोशी, युवा प्रतिभा राष्ट्रिय सम्मान (२०७८) से राजेन्द्र रैका, कैलाली जनपुस्तकालय दीर्घसेवा सम्मान (२०७८) से डिल्लीराज योगी सम्मानित हुइल बटैं ।

ओस्टेक अनाथ संरक्षण सम्मान (२०७८) से सानु चौधरी सम्मानित हुइल बटी । उहाँ धनगढी उपमहानगरपालिका वडा नम्बर १ शिवनगरमे अनाथालय संचालन करटी आइल बटी । जहाँ टुहुरा बालबालिका बटै कलेसे सानु ओकर संरक्षक रहल बटी ।
ओस्टेक, उ अवसरमे कैलाली जनपुस्तकालय निर्माणमे महत्वपूर्ण योगदान करल प्राविधिक सल्लाहकार बालमुकुन्द जोशी, निर्माण उपसमिति संयोजक गगनसिंह ऐर, निर्माण उपसमिति सहसंयोजक शेरसिंह खड्का, उषा शाहू, यशोदा ढकाल, रघुनाथ मिश्र, एनके जोशीलगायतहे सम्मान करले बा ।

६५ औं वार्षिकोत्सवमे चार ठो पुस्तक विमोचन

६५ औं वार्षिकोत्सवके अवसरमे चार ठो पुस्तकके विमोचन फेन करल बा । उ अवसरमे ऋष्टिणा करियाप्रधान थारुके लिखल पुस्तक ‘लकडाउन डायरीः पेन्डेमिक, फेस्टिवल एण्ड रियलिटी’ (अंग्रेजी भाषा) पुस्तकके विमोचन हुइल बा ।

बाबा ठाकुरप्रसाद करियाप्रधान थारु ओ डाई मालती करियाप्रधान थारुके कोखसे विक्रम् संवत् २०६५ बैशाख ८ गते जन्मल उहाँ अब्बे धनगढीस्थित ऐश्वर्य विद्यानिकेतमे कक्षा १० मे अध्ययनरत बटि । स्थायी घर घोडाघोडी वडा नम्बर १० थेवै रहल उहाँक अब्बे धनगढी–१, शिवनगरमे बैठाइ बा ।

पुस्तकमे लकडाउन अवधिमे भोगल समस्यासहित उहाँ अपन दैनिकी लगायतके बारेमे उल्लेख करले बटि । ओस्टेक, उहाँ थारु समुदायके गुरही, अट्वारी, माघी लगायतके पर्वबारे फेन पुस्तकमे उल्लेख करले बटि । अपन छाइ धनगढीस्थित एक्सिस विद्याश्रममे कक्षा ७ मे पह्रेबेरसे पुस्तकके लाग लिखे लाग सुरु करल लेखिकाके बाबा ठाकुर करियाप्रधान बटैलैं । १४ वर्षिया ऋष्टिणा थारु गीत ‘उकरुंग–भुकरुंग…’ मे अभिनय फेन करले बटि ।

ओस्टेक, छविलाल लटौला जोशीके ‘सुन्दर सुदूरपश्चिमः सीतागंगा तपोवन, मिहीलाल उपाध्याय ‘पुष्प’ के ‘सम्झनामा धनञ्जय’ लगायत ४ ठो पुस्तकके विमोचन हुइल रहे ।

यकरआघे सुदूरपश्चिम प्रदेश प्रमुख देवराज जोशी एक समारोहके बीच कार्यक्रमके उद्घाटन करले रहैं । कैलाली जनपुस्तकालयके अध्यक्ष डा. टीएन जोशीके अध्यक्षतामे हुइल कार्यक्रममे सुदूरपश्चिम प्रदेश सामाजिक विकास राज्यमन्त्री टेकबहादुर रैक, जनपुस्तकालयके निवर्तमान अध्यक्ष रामलाल जोशी, वरिष्ठ साहित्यकार तथा संस्कृतिविद् प्रा.डा. कुसुमाकर न्यौपानेलगायत मन्तव्य व्यक्त करले रहैं ।

जनपुस्तकालयके उपाध्यक्ष शिवराज ओझा स्वागत करल कार्यक्रमके सञ्चालन जनपुस्तकालयके सचिव टंकप्रसाद जोशी करले रहैं ।