कुवँर ओ राठी प्यानल भिरटी
पहुरा समाचारदाता
धनगढी, २२ जेठ । कैलाली उद्योग वाणिज्य संघके यिहे जेठ २८ गते हुइना चुनावके लाग दुई प्यानल भिरना हुइल बटै ।
अब्बेक अध्यक्ष पुष्पराज कुँवरके नेतृत्व ओ व्यवसायी सुरेन्द्र राठीके नेतृत्वमे दुई अलग अलग प्यानल बनाके अँटवारके रोज मनोनयन दर्ता हुइल बा ।
कुँवरके प्यानलमे अधिकांश पुराने अनुहार दोहरल बटै कलेसे राठीके प्यानलसे ढेर लौवा मुहार चुनावी मैदानमे होमल बटै । ओस्टेक स्वतन्त्ररूपमे सचिव पदमे जयराज न्यौपाने उम्मेदवारी दर्ता करैले बटै ।
पुष्पराज कुँवर प्यानलमे वरिष्ठ उपाध्यक्षमे पुष्करराज ओझा, एसोसिएट उपाध्यक्षमे मनोज अग्रवाल, उद्योग उपाध्यक्षमे दिनेश लम्साल, वाणिज्य उपाध्यक्षमे गगनराज केसी, वस्तुगत उपाध्यक्षमे लक्ष्मण पन्त, महासचिवमे ओम बिष्ट, कोषाध्यक्षमे भिष्मराज ओझा (अबु) ओ सचिवमे सुरेश पाण्डेय सुरेन्द्र रहल बटै ।
ओस्टेक करके अध्यक्षके लाग सुरेन्द्र राठी प्यानलमे वरिष्ठ उपाध्यक्षमे हरिशंकर ठाकुर, एसोसिएट उपाध्यक्षमे प्रकाशचन्द्र भट्ट, उद्योग उपाध्यक्षमे घनश्याम चौधरी, वाणिज्य उपाध्यक्षमे केशव जोशी, वस्तुगत उपाध्यक्षमे केशव पाण्डेय, महासचिवमे सिद्धराज पनेरू, कोषाध्यक्षमे रंजन शर्मा ओ सचिवमे महेन्द्रबहादुर सिंह रहल बटै ।
