१० दिनआघे मनुसन सुरु हुइल

काठमाडौं, २२ जेठ । नेपालमे यी वर्षके मनसुन सुरु हुइल बा । जल तथा मौसम विज्ञान विभागके मौसम पूर्वानुमान महाशाखाके अनुसार अँटवारके रोजसे प्रदेश १ से मनसुन प्रणाली नेपाल प्रवेश हुइल बा ।

नेपालमे मनसुन प्रवेश करना मिति सरदरमे जुन १३ अर्थात जेठके अन्तिम रलेसे फेन यी वर्ष करिब १० दिनआघे मनसुन प्रणाली नेपाल प्रवेश करल हो ।

मौसम पूर्वानुमान महाशाखासे अँट्वारके रोज जारी करल विज्ञप्तिमे कहल बा, ‘यी वर्षके मनसुन सरदर मितिसे आगे नेपालके पूर्वी भू–भागमे प्रवेश करल डेखाइल बा । नेपालके अन्य भू–भागमे भर कुछ दिन पाछे मनसुन प्रवेश हुइना अनुमान करल बा ।’