बघुवाके आक्रमणसे एक महिला घाहिल

पहुरा समाचारदाता
सुखठ, २३ जेठ । कैलालीके घोडाघोडी नगरपालिकामे बघुवाके आक्रमणसे एक महिला घाहिल हुइल बाटी । वडा नम्बर–८ लट्ठहुवाके ५४ वर्षीया बिष्णा बोहरा बघुवाके आक्रमणसे घाहिल हुइल हुइटी । ओहकान मुह, हाठ ओ कपारमे बघुवा आक्रमण करले बा ।

सोम्मारके सकारे लट्ठहुवा सामुदायिक बनुवामे घाँस काटे गैल बेला उहाँहे बघुवा आक्रमण करल इलाका प्रहरी कार्यालय सुखडके डिएसपी लक्ष्मण बहादुर शाही बटैलै । बोहराके घोडाघोडी अस्पतालमे उपचार हुइटी रहल बा । आक्रमण करुइया बघुवा फेन घाहिल हुइल बटाइल बा ।

बघुुवा औरे जनहनहे फेन आक्रमण करे सेक्ना कहटी सामुदायिक बनुवामे मनैनहे जैना रोक लगाइल बा ।