आरके थारुके ‘बहार बने…’ गीतके छायाँकन हुइल

सुमित चौधरी
दाङ, २५ जेठ । थारु इन्डस्ट्रिमे अलग पहिचान बनैना सफल हुईलक थारु गायक आरके थारुके लावा ‘बहार बने…’ गीतके छायांकन ओराइल बा । गीतमे आरके थारुके शब्द लेखन बा कलेसे गीतमे संगित फेन आरके थारुके बटिन ।

गीतमे आरके थारु ओ अन्नु चौधरीके सुमधुर स्वर बा कलेसे गीतमे संगित गणेश चौधरी रहल बा । अकस्टिक रेकर्डिङ स्टुडियोमे रेकड हुइल गीतके मिक्सिङ चन्द्र चौधरी करले बटैं ।

थारु इन्डस्ट्रिमे सर्वाधिक हेरल गीत ‘मन लागेना…’ के निर्देशक सुरजदेव कुसुमियाके निर्देशन रहल यी गीतमे निर्जा राजवंशी व गोविन्द चापागाईके अभिनय बा । छायांकन व सम्पादनके काम रामु चौधरी करले बटैं । यी गीत हालीसे हाली बजारमे सार्वजनिक हुइना तयारीमे रहल जनागिल बा ।