मोटरसाइकलके ठक्करसे एकके मृत्यु

पहुरा समाचारदाता
सुखड, २६ जेठ । कैलालीके घोडाघोडीमे मोटरसाइकलके ठक्करसे एक जनहनके मृत्यु हुइल बा ।

पुर्वपश्चिमराजमार्ग स्थित पाण्डेय चोकमे मोटरसाइकलके ठक्करसे घोडाघोडी २ के ५१ वर्षीया तारा रावलके मृत्यु हुइल प्रहरी जनैले बा । बुधके रात छाडा चौपाया हक्ना क्रममा पुरुबसे पश्च्छिउ ओर अइटी रहल सुपप्र ०१००८ नम्बरके मोटरसाईकल पाछेसे ठक्कर डेहल प्रदेश ट्राफिक प्रहरी कार्यालय अत्तरिया जनैले बा ।

ठक्करसे घाइते हुइल रावलहे उपचारके लाग घोडाघोडी अस्पताल लैजैना क्रममे डगरामे मृत्यु हुइल प्ररहरी जनैले बा । मोटरसाइकल चालक बर्दगोरिया गाउँपालिका वडा नम्बर ४ के २० वर्षीय अशोक शाही घाहिल रहल प्रहरी जनैले बा । ओहकान सुखड अस्पतालमे उपचार हुइटी रहल बा ।