कैलाली उद्योग वाणिज्य संघके मतदान, १ हजार ९५ मत परल

पहुरा समाचारदाता
धनगढी, २८ जेठ । कैलाली उद्योग वाणिज्य संघके मतदान शनिच्चरके रोन ओराइल बा ।

नयाँ कार्यसमितिके लाग हुइल चुनावके मतदानमे १ हजार ९५ जाने मतदान करले बटैं । मत गणना कहिया सुरु करना भर निर्णय हुइल नैहो । निर्वाचनमे दुई प्यानल चुनावी मैदानमे बटैं ।

वर्तमान अध्यक्ष पुष्पराज कुँवरके नेतृत्व ओ व्यवसायी सुरेन्द्र राठीके नेतृत्वमे दुई छुट्टाछुट्टे प्यानल बनाके चुनावी मैदानमे लागल रहैं । कुँवरके प्यानलमे अधिकांश पुरानो मुहार दोहरल बटैं कलेसे राठीके प्यानलमे ढेर नयाँ मुहारचुनावी मैदानमे रहैं ।