साहित्यिक कार्यक्रम हुइल

पहुरा समाचारदाता
धनगढी, २८ जेठ । पलेटी साहित्यिक शृंखला के ११ भाग धनगढी मे हुइल बा ।

धनगढीमे हुइना नियमित साहित्यिक शृंखला बिगत दुई बरससे नैहुइ पाइल कार्यक्रम असौं कुछ साहित्यकार ओइने पार्कमे जमा होके शृंखला निप्टैले बटैं ।

कार्यक्रममे सहभागी हुइल साहित्यकार ओइने हर कोइ अपन अपन ठाँउ, परिवेशके बारेमे गजल, मुक्तक ओ कविता सुनैले रहिंट ।

कार्यक्रममे साहित्यकार बाबुराम आचार्य, तारा पल्लबी, कोपिला शर्मा, सागर कुस्मी, रियल एनालाइसिस, सत्या उपाध्याय लगायत एक दर्जन साहित्यकार ओइने अपन २/२ ठो रचना बाचन कैले रहिंट ।

अइना दिनमे हरेक महिनाके अन्तिम सनिवारके नियमित शृंखला कैटी जैना तारा पल्लबी बटैलैं ।