कैलाली उद्योग वाणिज्य संघके अध्यक्षमे फेनसे कुँवर विजयी

पहुरा समाचारदाता
धनगढी, २९ जेठ । कैलाली उद्योग वाणिज्य संघके अध्यक्षमे फेनसे पुष्पराज कुँवर विजयी हुइल बटैं । प्रतिस्पर्धी सुरेन्द्र राठीहे ३२३ मतान्तरसे पराजित करटि कुँवर विजयी हुइल हुइट । कुँवर ६७८ मत पैले बटैं कलेसे राठी ३५५ मत पैले रहैं ।

अस्टेक, वरिष्ठ उपाध्यक्षमे पुष्करराज ओझा, उद्योग उपाध्यक्षमे दिनेश लम्साल, एशोसिएट उपाध्यक्षमे मनोज अग्रवाल, वस्तुगत उपाध्यक्षमे लक्ष्मणराज पन्त, महासचिवमे ओमबहादुर विष्ट, कोषाध्यक्षमे भीमराज ओझा अब्बु ओ सचिवमे सुरेश पाण्डेय विजयी हुइल बटैं । पदाधिकारीमे विजयी सक्कु कुँवर प्यानलके उम्मेदवार हुइट । शनिच्चर हुइल संघके चुनावमे १ हजार ९५ मत परल रहे ।