आगलागि पीडितहे नगद सहयोग वाफत चेक हस्तान्तरण
पहुरा समाचारदाता
हसुलिया, २९ जेठ । मुक्तकमैया महिला विकास मञ्चसे कैलारी गाउँपालिका–७, विपतपुरके आगलागि पीडितहुकनहे नगद सहयोग वाफत चेक हस्तान्तरण करले बा ।
कैलारी गाउँपालिका अध्यक्ष राजसमझ चौधरीके वडका पहुनामे हुइल एक कार्यक्रमके विच आगलागि पीडितहुकनहे नगद सहयोग वाफत चेक हस्तान्तरण करल हो ।
आगलागिसे पूर्ण क्षति हुइल प्रतिपरिवारहे ३४ हजार ५ सयके दरले, आंशिक क्षति हुइल १७ हजार २५०, सामान्य क्षति हुइलहे १३ हजार ५ सयके दरसे नगद सहयोग वाफत चेक हस्तान्तरण करल बा । उ बस्तीमे पूर्ण क्षति हुइल २७ परिवार, आंशिक क्षति हुइल १५ परिवार, सामान्य क्षति हुइल ११ परिवार रहल बटै । कलेसे अपाङगता, सुत्केरी, जेष्ठ नागरिक २२ जनहनहे ५ हजारके दरसेफे चेक हस्तान्तरण करल बा ।
कैलाली र कञ्चनपुर जिल्लाका मुक्तकमैयाहरुको आर्थिक अधिकार प्रवद्र्धनका लागि साझेदारी कार्यक्रम अन्र्तगत एफसिए के आर्थिक सहयोगमे आगलागि मुक्तकमैया बस्तीहे नगद सहयोग वाफत चेक हस्तान्तरण करल हो ।
उ चेक हस्तान्तरण कैलारी गाउँपालिका अध्यक्ष राजसमझ चौधरी ओ वडा नम्बर ७ के अध्यक्ष तथा गाउँपालिका प्रवक्ता दिपेन्द्र बहादुर बम चेक हस्तान्तरण करले रहिट आगलागि पीडितहुकनहे नगद सहयोग वाफत चेक हस्तान्तरण कार्यक्रममे वडा नम्बर ६ के अध्यक्ष प्रेमबहादुर चौधरी, मुक्तकमैया महिला विकास मञ्चके अध्यक्ष कौशिला चौधरी, मञ्चके कोषाध्यक्ष बजारी चौधरी, एफसिए के कार्यक्रम व्यवस्थापक तिलकप्रसाद भट्टराई, इलिसा रिमाल, दिपिका नाइडु, उमा विष्ट लगायत उपस्थिति रहल गाउँपालिका अध्यक्षके स्वकीय सचिव जितेन्द्र चौधरी जनैलै ।
