कैलाली जिससमे सत्तारुढ गठबन्धनके प्रमुख ओ उपप्रमुख विजयी

पहुरा समाचारदाता
धनगढी, ३० जेठ । कैलाली जिससमे सत्तारुढ गठबन्धनके प्रमुख ओ उपप्रमुख विजयी हुइल बाटै । समितिके प्रमुख पदमे नेपाली कांग्रेसके ओरसे पदम कलेल निर्वाचित हुइल बाटै । उहाँ १३ मत पाइबर नागरिक उन्मुक्तिके इन्द्र चौधरी १२ मत पाइल रहिट । उपप्रमुखमे माओवादीके खगराज भुसाल १३ मत पाके विजयी हुइल रहिट । एमालेके राजेन्द्र खनाल १२ मत पाइल रहिट ।

कैलालीमे सत्ता गठबन्धनअन्तर्गत काँग्रेस, माओवादी ओ एकीकृत समाजवादी तालमेल करल रहिट । गठबन्धनके उम्मेदवारहे धनगढीके मेयर गोपाल हमाल फेन सहयोग करल रहिट । ओस्टके नागरिक उन्मुक्ति ओ एमालेबीच छुट्टे तालमेल हुइल रहे । भ्रष्टाचार मुद्दाके कारण माओवादीसे निर्वाचित मोहन्याल गाउँपालिकाके देवीदत्त उपाध्याय भर मतदान करे नैपैलै ।