धनगढीके स्थानीयसे विद्युत कार्यालय घेराउ

पहुरा समाचारदाता
धनगढी, ३० जेठ । अनिमियत रुपमे विद्युत कटौती हुइ लागलपाछे स्थानीय नेपाल विद्युत प्रधिकरण धनगढी वितरण केन्द्रके कार्यालय घेराउ करले बाटै ।

स्थानीय अनिमियत रुपमे विद्युत कटौती करल कहटी सोम्मारके वडा नम्बर १२ के स्थानीय कार्यालय घेराउ करल हुइट । गर्मीके सिजनमे विद्युत कटौती कैके जनताहे मारमे पारल कहटी उ समस्या सामाधान नैहुइलेसे संघर्षके कार्यक्रम कैना चेतावनी डेले बाटै ।

उहाँहुक्रे पहलमानपुर, पवेरा, हसुलिया ग्रीडके लाइन हटाके धनगढीसे लाइन जडान करे पर्र्ना, वडामे चौबिसे घण्टा नो लाइट सेवा उपलब्ध कराइ पर्र्ना, वडाभर आइल भोल्टेजके समस्या समाधान कैना ट्रान्सफर्मरके व्यवस्था करे पर्ना, पोल ओ तारके व्यवस्था करे पर्ना ओ कृषि मिटरके व्यवस्था करे पर्ना माग रख्ले बाटै ।