२५० जाने अपांगता रहल नागरिक पैलै घर दैलोमे बुस्टर खोप सेवा
पहुरा समाचारदाता
धनगढी, ३० जेठ । बर्दगोरिया गाउँपालिकामे २५० जाने अपांगता रहल नागरिक पैलै घर दैलोमे बुस्टर खोप सेवा पैले बटै ।
लुथरन बिश्व फेडरेसन नेपाल, दिगो विकास समाज भजनी ओ सर्वाङिण अपांगता विकास समाज नेपालके सयुक्त साझेदारी तथा बर्दगोरिया गाउँपालिका स्वास्थ्य शाखाके समन्वयमे पुर्ण अशक्त ओ अतिअशक्त अपांगता रहल नागरिकहुकनके घर दैलोमे जाके कोरोना विरुद्धके अन्तिम अर्यात बुस्टर खोप डेहल हो ।
सहारा घरके असहाय सहित २५० जनहनहे कोरोना खोप सेवा डेहल उ कार्यक्रमके प्राविधिक सहजकर्ता नन्दराज भट्ट जानकारी डेलै । खोप अभियानमे २१ जाने पुर्ण अशक्त, ९० जाने अति अशक्त, ५९ जाने माध्यम ओ ५० जाने सामान्य अपांगता रहल नागरिक, ११ जाने एकल महिला ओ १९ जाने जेष्ठ नागरिक लाभान्वित हुइल उहाँ जनैलै ।
नेपालमे कटरा जे खोप लगैना बाँकी ?
नेपालमे अभिनफे कोरोना भाइरसविरुद्धके खोप लगैना ३२.६ प्रतिशत बाँकी बटै । कुल जनसख्या दुई करोड ९१ लाख ९२ हजार ४८० रहल बा । जेम्ने पूर्ण मात्रा खोप ६८.४ प्रतिशत लगैले बटै कलेसे कम्तीमे एक मात्रा ७७.० प्रतिशत लगासेकल बटै ।
ओस्टेक, १२ वर्षउप्परके लक्षित समूह दुई करोड ३३ लाख २७ हजार ६१९ रहल बटै । जेम्ने ८५.७ प्रतिशत पूर्ण मात्रा ओ ९६.३ प्रतिशत एक मात्रा खोप लगाइल स्वास्थ्य मन्त्रालय जनैले बा । ओस्टेक, बुस्टर डोज भर ५२ लाख ४ हजार १९३ जाने लगाइसेकल बटै ।
ओस्टेक सरकार ५ से ११ वर्षसमके बालबालिकाहे दुई चरणमे फाइजर खोप डेना हुइल बा ।
तोकल २७ जिल्लामे असार ९ गतेसे १५ गतेसम पहिल मात्रा ओ दुसरा मात्रा सावन २ से ८ गतेसममे डेना मन्त्रालय जनैले बा । खोप लगैना बाँकी रहल ५० जिल्लामे भदौ ५ से ११ गतेसम पहिल मात्रा ओ भदौ २७ से कुवाँर १ गतेसम दुसरा मात्रा डेना हुइल बा ।
