लागुऔषधसहित २ पक्राउ

पहुरा समाचारदाता
धनगढी, ३१ जेठ । कैलालीमे प्रहरी लागुऔषधसहित २ जनहनहे पक्राउ करले बा । सोम्मारके रात जिल्लाके भजनी नगरपालिका–६ से बर्दगोरिया गाउँपालिका–४ के २६ वर्षीय दिनेश ठकुल्ला ओ २५ वर्षीय यमराज शाही पक्राउ परल जिल्ला प्रहरी कार्यालय कैलाली जनैले बा ।

ठकुल्लासे चलाइल सुपप्र ०१००१० प ६७२८ नम्बरके मोटरसाइकलमे सवार उहाँहुक्रनहे चेकजाँच करेबर १५ ग्राम ५ सय ०० मिलिग्राम खैरो हिरोइन फेला परल प्रहरी जानकारी डेले बा । पक्राउ परल डुनु जनहनके थप अनुसन्धान हुइटी रहल प्रहरी जनैले बा ।