घुम्तीकोष सम्बन्धी अन्तरक्रिया कार्यक्रम हुइल
पहुरा समाचारदाता
गुलरिया, ३१ जेठ । कंचनपुरके महाकाली सामुदायिक वन उपभोक्ता समूह ओ कैलालीके सिंङ्गेकोट सामुदायिक वन उपभोक्ता बीच अन्तरक्रिया कार्यक्रम हुइल बा ।
कंचनपुर जिल्लाके कृष्णपुर नगरपालिका वडा नम्बर ६ मे पर्ना महाकाली सामुदायिक वन ओ कैलालीके घोडाघोडी नगरपालिला ९ मे पर्ना सिंङ्गेकोट सामुदायिक वनकके पदाधिकारी बीच मंगरके रोज बन्जरिया कंचनपुरमे घुम्तीकोष सम्बन्धि अन्तरक्रिया हुइल बा ।
कंचनपुरमे महाकाली सामुदायिक वनके कोषसे टमान मेरिक घुम्तीकोष कार्यक्रम संचाकन हुइल बा । ओहे वनके कार्यक्रम डेखके सिंङेकोट सामुदायिक वन प्रभावित होके कुछ सल्लाह ओ सिकाइ हेर्के कार्यक्रम करक लाग अन्तरक्रिया कार्यक्रम हुइल डुनु टरफके अध्यक्ष देवबहादुर कार्की ओ वीर वहादुर राजवंशी अपन अपन अनुभवके बातचित साटिकसाटा कर्ले रहिंट ।
कार्यक्रममे बातचित कैके सहभागी हुइल सक्कु वनकर्मी ओइने महाकाली सामुदायिक वनके अवलोकन फेन कैलैं ।
