पुरान प्रतिनिधिनहे विदाइ कार्यक्रम हुइल
पहुरा समाचारदाता
गुलरिया, १ असार । कञ्चनपुरके कृष्णपुर नगरपालिका वडा नम्बर ३ के पुरान जनप्रतिनिधिनहे सम्मानसहित एक कार्यक्रम कैके विदाइ हुइल बटैं । ३ नम्बर वडा कार्यालय पुरान जनप्रतिनिधिनहे बुधके रोज एक कार्यक्रम कैके विदाइ हुइल हुइटैं ।
कार्यक्रममे लावा निर्वाचित अध्यक्ष खेमराम चौधरी सक्कुहुन सम्मानपत्र ओ टीका लागे विदाइ कैले रहैं । लावा निर्वाचित अध्यक्ष खेमराज चौधरी पुरान बाँकी रहल काम इहे असार मसान्त भित्रे हलि निप्टैना बटैलैं । उहाँ कलैं, लावा विकासके काम करक लाग योजना बनाके आघे बर्हना बटैलैं । उहाँ पुरान प्रतिनिधिनहे मजा काम कैलेक ओर्से सकुहुन सुभकामना फेन डेलैं ।
ओस्टेके, पुरान अध्यक्ष सुन्दर चौधरी कलैं, हमार पालामे सक्कु ओर पुरान डग्गरहे पानी पिचसम कैसेक्ले बटि । अब्बे वडाके सबओर धेर ओ मजा काम हुइल बटैलैं । भौतिक पुर्वाधारमे बहुत धेर सुधार हुइल उहाँ बटैलैं ।
विदाइ कार्यक्रममे वडावासीन के धेर सहभागी हुइल कार्यक्रम संचालन सचिव रामप्रसाद बोहरा कैले रहिंट । स्थानीय, बुद्धिजीवी, किसान लगायतके उपस्थिति हुइल रहिंट ।
