नाला अतिक्रमण हटैटी उपमहानगरपालिका

पहुरा समाचारदाता
धनगढी, १ असार । धनगढी उपमहानगरपालिकासे धनगढीके नालाके अतिक्रमण हटैना सुरु करले बा ।

धनगढी डुवानके मुख्य कारण खोलानाला अतिक्रमण रहल ओरसे खोलानाला अतिक्रमण नैहटाइटसम धनगढी डुवानके समस्या समाधान नैहुइना कहटी बुधसे नालाके अतिक्रमण हटैना सुरु करल नगर प्रमुख गोपाल हमाल बटैलै ।

बुधके धनगढी उपमहानगरपालिका वडा नम्बर ५ तारानगर बालबिहानीसे खोलानाला अतिक्रमण हटैना कार्य प्रारम्भ करल नगर प्रमुख हमाल बटैलै ।

उ कार्यमे सहयोग कैडेना सक्कु धनगढीवासीहे उहाँ अपिल करले बाटै । पाछेक समय धनगढीके नाला अतिक्रमण हुइल कारण धनगढी डुवानमे परटी आइल बा ।