लैङिक समानता तथा सामाजिक समावेशी अभिमुखीकरण

पहुरा समाचारदाता
हसुलिया, १ असार । लैङिक समानता तथा सामाजिक समावेशीकरण मुल प्रवाहिकरण अभिमुखीकरण एवं रणनीति तर्जुमा कार्यक्रम हुइल बा ।

कैलारी गाउँपालिका अध्यक्ष राजसमझ चौधरीके वडका पहुनामे हुइल कार्यक्रममे विशिष्ट पहुना उपाध्यक्ष भगवतीकुमारी चौधरी, गाउँपालिकाके वडा अध्यक्षहुक्रे, कार्यपालिका सदस्य, वडा सदस्यहुकनके सहभागिता रहल रहे ।

कैलारी गाउँपालिकाके आयोजनामे हुइल कार्यक्रम प्रादेशिक सुशासन केन्द्र, पुन्ना डोटीके आर्थिक तथा प्राविधिक सहयोगमे हुइल रहे । कार्यक्रम श्रोत व्यक्ति काली प्रसाद भट्ट ओ विमला कडायत लैङिक समानता तथा सामाजिक समावेशीकरण मुल प्रवाहिकरणबारे सहजीकरण करल रहिट ।