इन्धनके मोल फेन बह्रल, पेट्रोल १९९ पुगल

काठमाडौं, ६ असार । नेपाल आयल निगम अँट्वार रातसे इन्धनके मूल्यमे भारी वृद्धि करले बा ।

अँट्वार बैठल निगमके सञ्चालक समिति बैठक डिजेल ओ मट्टीतेलमे प्रतिलिटर २७ ओ पेट्रोलमे प्रतिलिटर २१ रुपियाँ मूल्य बह्रैले बा ।

निगमसे बह्राइल मूल्य अँट्वार रात १२ बजेसे लागू हुइना निगमके प्रवक्ता विनितमणि उपाध्यायसे सार्वजनिक करल विज्ञप्तिमे उल्लेख बा ।

मूल्य बह्रलसँगे पेट्रोलके मूल्य १९९ पुगल बा कलेसे डिजेल ओ मट्टीतेलके मूल्य १९२ पुगल बा । निगम खाना पकैना ग्यासके मूल्य भर बह्रैले नैहो ।

निगम हवाई इन्धनओर आन्तरिकमे १९ ओ अन्तर्राष्ट्रियमे एक सय अमेरिकी डलर मूल्य बह्रैले बा ।