लघु उद्यम सामाग्री हस्तान्तरण
पहुरा समाचारदाता
हसुलिया, ७ असार । लघु उद्यम विकास मोडेलसे लघु उद्यम सामाग्री वितरण करल बा ।
उद्यम सामाग्री हस्तान्तरण कैलारी गाउँपालिकाके अध्यक्ष राजसमझ चौधरी, उपाध्यक्ष भगवतीकुमारी चौधरी, वडा नम्बर ४ वडा अध्यक्ष ठागुराम चौधरी, वडा नम्बर ६ के अध्यक्ष प्रेम बहादुर चौधरीसे केगिल बा ।
ओस्टेक करके भुमि सम्बन्धी छलफलके लाग कैलारी गाउँपालिका पुगल राष्ट्रिय भूमि आयोगके जिल्ला अध्यक्ष यज्ञराज उपाध्याय, नापी शाखा प्रमुख सुदर्शन सिंह धामी, राष्ट्रिय भूमि आयोग जिल्ला विज्ञ सदस्य केशव जोशी लगायतसेफे उद्यम सामाग्री हस्तान्तरण करल रहिट ।
तालिममे सहभागिता हुइल अनुसार यूवा युवतीनहे कुखुरा पालन, व्युटिपार्लर, खाजा नास्ता, मोटरसाइकल मर्मत, कृषि, ग्रील उद्योगके उद्यम सामाग्री हस्तान्तरण कैगिल बा ।
कार्यक्रमके संचालन प्रदीप चौधरी ओ तालिमबारे लघु उद्यम विकास मोडेलके कार्यक्रम संयोजक निर्मला चौधरी जानकारी डेहल रहिट । उद्यमशिलताके लाग सामाजिक परिचालन, उद्यमशिलता विकास, प्राविधिक सीप विकास, लघुवित्तमे पहुँच, उपयूक्त प्राविधिमे पहुँच, बस्तु ओ सेवा बजारीकरण तथा व्यवसाय परामर्शसे उद्यमी सृजना ओ विकास विकासके लाग तालिम संचालन करल रहे ।
