गौरीगंगाके ९० करोडसे ढेर
पहुरा समाचारदाता
मसुरिया, १० असार । कैलालीके गौरीगंगा नगरपालिकासे अइना आर्थिक वर्ष २०७९/०८० के लाग ९० करोड ढेरके बजेट नन्ले बा ।
१२औं नगरसभामे नगरउपप्रमुख भोजबहादुर बम ९० करोड ६४ लाख ७५ हजारके बजेट सावर्जनिक करल हुइट । नगरके संघीय समानीकरण अनुदानमे १७ करोड ७० लाख, संघीय सशर्त अनुदान चालुओर २० करोड ५२ लाख, सशर्त अनुदान पुँजीगतओर ३ करोड १४ लाख, समपुरक अनुदान पुँजीगत ८० लाख ओ विशेष अनुदानमे ५० लाख रहल बा ।
ओस्टेक करके प्रदेश समानीकरण अनुदान १ करोड ३० लाख १९ हजार, प्रदेश समपुरक अनुदान पुँजीगत ७३ लाख, विशेष अनुदान पुँजीगत २५ लाख रहल बा ।
ओस्टेक करके मुल्य अभिवृद्धिकर अन्तशुल्कमे १४ करोड ५२ लाख २ हजार, वन रोयल्टी २५ लाख, घरजग्गा रजिष्टेशन दस्तुरसे २ करोड, सवारी साधन कर ८५ लाख ७६ हजार, सामाजिक सुरक्षा तथा संरक्षण भत्ता २२ करोड ५० लाख, आन्तरिक राजस्व ३ करोड ६५ लाख ७० हजार ओ अल्या रकम १ करोड ८१ लाख २ हजार रहल बा । नगरप्रमुख देवीदत्त कडेल ‘शिक्षा, स्वास्थ्य, कृषि र पूर्वाधार: समृद्ध गौरीगंगाके आधार’ कना नारा सहित गौरीगंगा विकास नीति २०७९/०८० प्रस्तुत करले रहिट ।
