वडाध्यक्ष शाहीसे सरसफाई अभियानमे लग्ना अनुरोध

पहुरा समाचारदाता
धनगढी, २० असार । कैलालीके धनगढी उपमहानगरपालिकाके वडाध्यक्ष गजेन्द्र शाही अपनहे सरसफाई अभियानमे सहभागी हुइल बाटै । वडा नम्बर ५ के वडाअध्यक्ष शाही पूरान मेरीगोल्ड स्कुल लग्गेक अव्यवस्थित फोहर सफा कैटी उहाँ अभियानमे लागल हुइट ।

उहाँ सामाजिक सञ्जालमे फोटो रख्टी लिख्ले बाटै, ‘पर्यावरणमैत्री नमुना वडा बनाइक लाग सुरुवात हम्रे आपन घरआँगन टोल समाजसे हातेमालो कैटी आघे बह्री ।’

उहाँ सक्कु वडावासीहे सरसफाई अभियानमे सहभागी हुइना अनुरोध करले बाटै । इ बरस धनगढी उपमहानगरपालिका सरसफाई बरस मनैना हुइल बा ।