कैलारीमे चट्याङसे मृत्यु हुइल परिवारहे २ लाख
पहुरा समाचारदाता
धनगढी, २४ असार । जिल्ला प्रशासन कार्यालय कैलाली यिहे गैल असार १४ गते चट्याङ लागके मृत्यु हुइल कैलारीके चट्याङ पीडित परिवारहे राहत रकम वितरण करले बा ।
चट्याङ लागके मृत्यु हुइल कैलारी गाउँपालिका वडा नम्बर १ रानामुरा गाउँ बैठना ५६ वर्षीय सुखपंखीदेवी चौधरीके परिवारहे नगद दुई लाख रूप्या हस्तान्तरण करल हो ।
कैलारी गाउँपालिकाके अध्यक्ष राजसमझ चौधरीके पहल ओ समन्वयमे ‘विपद पीडित उद्दार ओ राहत सम्बन्धि मापदण्ड २०७७’ बमोजिम मृतकके गोसिया परनुराम डगौंराहे नगद हस्तान्तरण करल जिल्ला प्रशासन कार्यालय कैलाली राहत हस्तान्तरण करले बा ।
कैलालीके प्रमुख जिल्ला अधिकारी किरन थापा मृतकके घरमे पुगके नगद हस्तान्तरण करल बटै । कैलारी गाउँपालिकाके अध्यक्ष राजसमझ चौधरी, प्रवक्ता तथा वडा नम्बर ७ के अध्यक्ष दिपेन्द्रबहादुर बम, सशस्त्र प्रहरी उपरीक्षक धनबहादुर सिंह, कैलालीके प्रहरी प्रमुख प्रहरी उपरीक्षक सोमेन्द्र सिंह राठौर, नेपाली काँग्रेस कैलारीके सभापति कृष्णप्रसाद चौधरीके सहभागितामे मृतकके गोसिया परनुराम डगौंराहे नगद हस्तान्तरण कैगिल बा ।
ओस्टेक कैके असार १४ गते चट्याङ लागके ओहे गाउँक ३४ वर्षके धनीराम चौधरी ओ ३२ वर्षके कृष्ण चौधरी घाहिल हुइल रहैं ।
