मोटरसाईकल दुर्घटनामे एकके मृत्यु

पहुरा समाचारदाता
धनगढी, २९ असार । कैलालीमे मोटरसाइकल एकआपसमे टकराके एक जनहनके मृत्यु हुइल बा कलेसे तीन जाने घाहिल हुइल बाटै ।

जिल्लाके गौरीगंगा नगरपालिका वडा नं ९ शंकरपुरमे मंगर रात साढे नौ बजेओर सु.प.प्र.०१–००९ प.७८९१ ओ से. ७ प. ११४७ नम्बरके मोटरसाइकल एक आपसमे टकराके से.७ प.११४७ नम्बरके मोटरसाइकलके चालक राम अवतार कठरियाके उपचारके क्रममे घोडाघोडी अस्पतालमे मृत्यु हुइल हो ।

उहे मोटरसाइकलमे सवार कैलारी गाउँपालिका वडा नम्बर ८ के २० वर्षीय आशिष कठरियाके नेपालगञ्ज मेडिकल कलेज शिक्षण अस्पताल कोहलपुरमे उपचार हुइटी रहल बा । औरे घाइते रोशन कठरियाके घोडाघोडी अस्पताल सुखडमे उपचार हुइटी रहल इलाका प्रहरी कार्यालय मसुरिया जनैले बा ।

दुर्घटनामे सु.प.प्र.०१–००९ प.७८९१ नम्बर मोटरसाइकल चालक गौरीगंगा नगरपालिका वडा नम्बर ९ शंकरपुरके २७ वर्षीय रमेश चौधरी घाहिल हुइल बाटै । चौधरीके कैलाली अस्पताल धनगढीमे उपचार हुइटी रहल बा ।