कैलारी पुर्ण खोप सुनिश्चितता पालिका तथा दिगोपना घोषणा

पहुरा समाचारदाता
हसुलिया, २९ असार । कैलालीके कैलारी गाउँपालिकाहे पुर्ण खोप सुनिश्चितता पालिका तथा दिगोपना घोषणा करल बा ।

गाउँपालिका अध्यक्ष राजसमझ चौधरीके अध्यक्षतामे बुधके रोज हुइल एक कार्यक्रमके विच गाउँपालिकाहे पुर्ण खोप सुनिश्चितता पालिका तथा दिगोपना घोषणा करल हो । पुर्ण खोप सुनिश्चितता कैना राष्टिय पूर्ण खोप निर्देशका बमोजिम यी कैलारी गाउँपालिकाके सक्कु वडासे सक्कु प्रक्रिया सम्पन्न करके पुर्ण खोप सुनिश्चितता पालिका तथा दिगोपना घोषणा करल स्वास्थ्य शाखा प्रमुख विरेन्द्र सापकोटा बटैलै ।

असार २९ गतेसम १६ महिनासे २३ महिना समके ६ सय ८८ जाने बालबालिका १५ महिनाके उमेरभिटर पाई पर्ना सक्कु खोप पाइल उहाँ बटैलै । उ कार्यक्रममे गाउँपालिकाभिटर रहल सक्कु वडा कार्यालय ओ स्वास्थ्य सस्थाहे प्रमाणपत्र वितरण करल बा ।

उ कार्यक्रममे प्रमुख प्रशासकीय अधिकृत विरबहादुर ऐर, सक्कु वडाके वडा अध्यक्ष, कार्यपालिका सदस्य, विषयगत शाखा प्रमख, स्वास्थ्यकर्मी, नेपाली काँग्रेस कैलारी सभापति कृष्ण प्रसाद चौधरी तथा कर्मचारीहुकनके उपस्थिति रहल रहे । कार्यक्रम संचालन सामाजिक विकास अधिकृत यगम कलेल करले रहिट । उहे विच हस्ताक्षरफे कैगिल रहे ।