कैलाली जनपुस्तकालयके सदस्यमे राजेन्द्र रैका सर्वसम्मत

पहुरा समाचारदाता
धनगढी, ३२ असार । कैलालीके सक्रिय सामाजिक अभियन्ता एवं अधिकारकर्मी राजेन्द्र रैका सुदूरपश्चिमके ऐतिहासिक संस्था कैलाली जनपुस्तकालयके कार्यसमिति सदस्यमे सर्वसम्मतसे चयन हुइल बटैं । शकके रोज बैठल जनपुस्तकालयके बैठक रैकाहे सदस्य पदमे चयन करल हो ।

दुई दशकदेखि मानवअधिकार सामाजिक न्याय ओ युवा सशक्तीकरण, दलित सीमान्तकृत समुदायके हक अधिकार एवं रुपान्तरणके क्षेत्रमे योगदान पुगाइल कटि जनपुस्तकालयके ६५ औं वार्षिकोत्सवमे उहाँके राष्ट्रिय सम्मान प्रदान करले रहे ।

एक विशेष समारोहके बीच सुदूरपश्चिम प्रदेश प्रमुख देवराज जोशी माला, दोसल्ला ओ सम्मानपत्रसहित युवा प्रतिभा राष्ट्रिय सम्मान–२०७८ से सम्मान करले रहैं ।

अधिकारकर्मी रैका टमान संघसंस्थामे आबद्घ होके सुदूरपश्चिमके विकास तथा समृद्धिमे क्रियाशील बटैं ।