कैलालीमे १६ सय ६४ मुद्दा फर्छ्यौट
पहुरा समाचारदाता
धनगढी, ३१ असार । जिल्ला अदालत कैलाली एक बरसमे १ हजार ६ सय ६४ मुद्दा फर्छ्यौट हुइल जनैले बा ।
आर्थिक वर्ष २०७८/२०७९ के प्रगतिबारे संचारकर्मीनहे जानकारी डेटी ओटरा मुद्दा फर्छ्यौट हुइल जिल्ला न्यायधिश जयानन्द पनेरु जनैलै । आघेक बरस जिम्मेवारी सरके आइल लगत १ हजार १३ ठो मुद्दामे ७ सय ६२ फर्छर्यौट हुके आइल मन्से २ सय ५१ बाँकी रहल, आर्थिक वर्ष २०७८/२०७९ मे नयाँ दर्ता हुइल २ हजार ७५ मुद्दा मन्से ९ सय २ फर्छ्यौट हुके १ हजार १७३ बाँकी रहल उहाँ जनैलै ।
२०७८/२०७९ मे कुल ३ हजार ८८ मुद्दा मन्से १६ सय ६४ फर्छ्यौट हुईबेर अभिन १ हजार ४२४ ठो मुद्दा अभिन फर्छ्यौट बाँकी रहल जिल्ला न्यायधिश पनेरु कार्यक्रममे जानकारी डेलै ।
न्यायाधिश पनेरुके अनुसार लगत मुद्दामे जबरजस्ती करणी सम्बन्धीके २ सय पाँच मुद्दा मध्ये ७३ मुद्दा फर्छ्यौट हुइल बटै । कलेसे १ सय ३२ बाँकी रहल बटै ।
यस्तै, लागु औषध सम्बन्धी २ सय २९ मुद्दा मन्से ५४ ठो मुद्दा फर्छयौट हुइल बटै । कलेसे १७५ बाँकी रहल बटै । लागु औषधके घटना तथा मुद्दाके प्रकृति हेरेबेर अभिभावकके रेखदेखमे कमी, विद्यालयमे उच्च शिक्षा नइमिल्ना ओ ओ बालबालिकासंग वृद्धवृद्धा नइखेल्न तथा बालबालिका ओ वृद्धवृद्धाफे सामाजिक सञ्जाल डिजिटल गेममे ढेर बैठलक ओरसे यी घटना बढ्न करल मुख्य न्यायाधीश पनेरु बटैलै ।
यम्ने नियामक निकायके भूमिका कटराके कडाइके साथ लागु हुइल बा कना बाटसेफे महत्व रख्ना बटैटी पनेरु कैलाली जिल्लामे एक व्यक्तिसे लागु औषधढेर जैसिन १० ग्रामसे कम बरामद हुइल ओ सबसे ढेरमे ३० ग्राम बरामद हुइल बटैलै । ओस्टेक, कर्तव्य ज्यान सम्बन्धीके २२ मुद्दा मन्से १३ फर्छयौट हुइल बटै कलेसे ९ ठो फर्छयौट हुइना बाँकी रहल बा ।
जिल्लामे सबसे ढेर मुद्दा दर्ता सम्बन्ध विच्छेदके रहल बटै । सम्बन्ध विच्छेदके पाँच सय ५० मुद्दा मन्से १ सय ६९ मुद्दा फर्छ्यौट हुइलमे ३ सय ८१ मुद्दा अभिन फर्छयौट बाँकी रहल न्यायाधीश पनेरु बटैलै ।
यी घटनाके प्रकृति हेरेबेर कयौँ घटनामे गोसिया विदेश जाईबेर गोसिनीया परपुरुषसंग लागके विदेशसे पठाइल सक्कु पैसा खर्च कैडेना, गोसिया मादक पदार्थ सेवन करके झैँ झगडा कैना ओ जन्नीमनै लर्कनहे पिट्न यी घटना बढ्नामे सामाजिक सञ्जालके दुरुपयोगफे मुख्य रहल उहाँक कहाई रहल बा ।
कैलाली जिल्लामे आर्थिक वर्ष २०७८/२०७९ मे चेक अनादरके मुद्दा दुई सय ९१ रहलमे १ सय ६१ फर्छ्यौट हुइल बटै कलेसे १ सय ३० फर्छ्यौट हुइना बाँकी रहल बटै । चेक अनादर मुद्दा बढ्नामे भर कानुन खुकुलो हुके मनोमानी ढंगसे चाहल जटराके रकम अन्धाधुन्ध डेना रहल उहाँ बटैलै । कैलाली जिल्ला अदालतमे बालबालिका संलग्न मुद्दा १ सय ४१ रहलमे ६३ फर्छयौट हुइल बटै कलेसे ७८ बाँकी रहल बा ।
