भजनीसे ५० प्रतिशत अनुदानमे च्याप कटर वितरण

पहुरा समाचारदाता
भजनी, ३ सावन । कैलालीके भजन नगरपालिका ५० प्रतिशत अनुदानमे च्याप कटर मेसिन वितरण करले बा ।

पशु सेवा शाखाके आर्थिक वर्ष २०७८/०८९ स्वीकृत कार्यक्रम अनुसार ५० प्रतिशत अनुदानमे च्याप कटर वितरण करल हो । नगर प्रमुख केवल चौधरी ओ उप–प्रमुख राजु तिरुवा संयुक्त रुपमे च्याप कटर वितरण करल रहिट ।

च्याप कटर मेसिन भजनी–३ पडरीयाके नन्दा एकीकृत पशु पालन फर्म, भजनी ७ पृथ्वीपुरके गोकुल भैंसी पालन फर्म, भजनी ६ नवलपुरके हिरा गाई तथा भैंसी पालन फर्म, भजनी–३ कनैयापुरके निमा भैंसी पालन फर्म ओ भजनी २ मोहनपुरके बस्नेत भैंसी पालन फर्महे वितरण करल बा । चिटठामे ओइनके नाउँ परलपाछे च्याप कटर मेसिन वितरण करल नगरपालिका जनैले बा ।