लागुऔषधसहित ३ युवक पक्राउ

पहुरा समाचारदाता
धनगढी, ८ सावन । कैलालीमे लागुऔषधसहित तीन जाने पक्राउ परल बाटै । सावन ६ गते भजनी नगरपालिका ३ बैठुइया २३ वर्षीय बुटा सिंहके घरमे खैरो हिरोईनके कारोबार हुइटी रहल सूचनापाछे प्रहरी उहाँहुक्रनहे पक्राउ करल हो ।

प्रहरीके अनुसार बुटासहित टीकापुर १ बैठुइया बरस ३१ के जिवन शाह ओ टीकापुर ६ नरायणपुर बैठुइया बरस २१ के अमित रावल पक्राउ परल हुइट । उहाँहुक्रनहे ईलाका प्रहरी कार्यालय भजनीसे खटल प्रहरी टोलीसे ५ ग्राम ४७० मिलिग्राम खैरो हेरोईनसहित पक्राउ करल रहे । अब्बे उहाँहुक्रनहे थुनामे राखके अनुसन्धान करटी रहल प्रहरी जनैले बा ।