संसदीय टोलीसे शिवरत्नपुरके अनुगमन

पहुरा समाचारदाता
हसुलिया, ९ सावन । सुदूरपश्चिम प्रदेशके विद्यायन तथा प्रदेश ममिला समितिसे कैलारी गाउँपालिका वडा नम्बर ३ शिवरत्नपुरके अनुुगमन करले बा ।

उ समितिसे बाढ कटानसे विस्थापित १६ घरधुरीके अनुगमन करल हो । समितिके सभापति नेपालु चौधरी नेतृत्वमे पुगल अनुगमन टोलीले शिवरत्नपुरका स्थानीयसँग अन्तरक्रिया पनि गरेको छ । समितिके सदस्य श्यामलाल राना प्रतिवेदन तयारी करके प्रदेश सरकारहे बुझैना बटैले बटै ।

उ बस्तीके स्थानीय सन्तराम चौधरी शिवरत्नपुरके ९५ घरधुरी बाढ कटानके जोखिममे रहल बटैलै । १६ घरधुरी जोगैना बनाइल भौतिक तथा जैविक तटबन्ध पुहाइलपाछे उच्च जोखिममे रहल १६ घरधुरी विस्थापित हुइल जानकारी डेलै । विस्थापित हुके त्रिपालमे बैठटी रहल १६ घरधुरीके लाग खानेपानी, शौचालयके समस्या रहल जानकारी डेलै ।
शिवरत्नपुरके स्थानीय कमल चौधरीसे झोलुङे पुल नइबन्के विद्यार्थीहुकनहे विद्यालयमे आवातजावतमे समस्या, हुइल सुत्केरी, बालबालिकाहे खोप लगैना समेट समस्या हुइल जानकारी डेलै ।

गाउँपालिकाके अध्यक्ष राजसमझ चौधरी शिवरत्नपुरमे बर्षेणी बाढ, डुबान ओ कटानके समस्या रहल बटैलै । उहाँ बाढसे विस्थापित परिवारके लाग अस्थायी टहरा निर्माण कैना त्रिपालके व्यवस्था करल बटैलै । पालिकासे शौचालय ओ खानेपानीके समेत व्यवस्था कैना बटैले बा ।

अब्बे बर्खा सुरु बा, तत्काल तटबन्ध करे सेक्ना अवस्था नइहो,’ गाउँपालिका अध्यक्ष कहलै,–विद्यायन तथा प्रदेश ममिला समितिसे भर्खर अनुगमन करल बा । बस्ती जोगैना गुरुयोजना बनाके तटबन्ध कैना आवश्यक बा । ओकर लाग प्रदेश ओ संघीय सरकारसंग समन्वय कैबी ।’

अनुगमनमे विद्यायन तथा प्रदेश ममिला समितिक सदस्य पूर्णा जोशी, मालामति राना, श्यामलाल राना, शान्ति नेपाली, लालबहादुर खडका, गाउँपालिका उपाध्यक्ष भगवतीकुमारी चौधरी, वडा नम्बर ३ के अध्यक्ष सन्तराम चौधरी, विओपी खोनपुरके प्रमुख सूर्य खडका, वडा सदस्यहुकनके उपस्थििति रहल रहे ।