महिला समूहहे स्प्रे ट्याङ्की वितरण
पहुरा समाचारदाता
हसुलिया, १० सावन । कैलाली गाउँपालिका वडा नम्बर ६ वडा स्तरीय शितल एकल महिला समूहके स्प्रे ट्याङ्की वितरण करल बा ।
गाउँपालिका उपाध्यक्ष भगवतीकुमारी चौधरीके वडका पहुनामे हुइल कार्यक्रममे उहाँ महिला समूहहे स्प्रे ट्याङ्की वितरण करल हुइट । स्पे ट्याङ्की भगतपुर, धर्मापुर, खरुवाखेरा, खरेटी, मसुसिया, वनकट्टा, लम्मीफाँटा, बेलौली, सुर्मी ओ चुकहापुरके महिलाहे वितरण करल बा ।
स्पे ट्याङ्की सामूहिक रुपमे प्रयोजनाके लाग वितरण करल वडा स्तरीय शितल एकल महिला समूहके अध्यक्ष रमेशी चौधरी बटैली । कार्यक्रममे विशिष्ट पहुना वडा नम्बर ६ के अध्यक्ष प्रेमबहादुर चौधरी, वडा सदस्य सुनिला चौधरी, महिला मानव अधिकारका लागि एकल महिला समूहके प्रदेश अध्यक्ष वेद अवस्थी, जिल्ला एकल महिला समूहके सहसचिव लक्ष्मी चौधरी, सदस्य शान्ति चौधरी, वडा स्तरीय भल्मन्सा समन्वय समितिके अध्यक्ष खगेन्द्र चौधरी ओ बुद्धिजीवी तथा समाजसेवी सन्तराम चौधरीलगायत एकल महिला समूहके सदस्यहुकनके सहभागिता रहल रहे ।
कैलारी गाउँपालिकाके समन्वयमे आरजु देउवाके आर्थिक सहयोगमे स्प्रे ट्याङ्की खरिद करल रहे । वडास्तरीय शितल एकल महिला समूहके अध्यक्ष रमेशी चौधरीके अध्ययक्षतामे हुइल कार्यक्रममे स्वागत मन्तव्य रामपति चौधरी करले रहिट ।
