एसईईके नतिजा सार्वजनिक
काठमाडौं, ११ सावन । राष्ट्रिय परीक्षा बोर्डसे यी वर्षके माध्यमिक शिक्षा परीक्षा (एसईई)के नतिजा सार्वजनिक करले बा । यी वर्षके एसईईमे जीपीए तीन दशमलव ६ से चार नन्ना परीक्षार्थीके संख्या ९ हजार ६३३ जाने रहल परीक्षा बोर्ड जनैले बा ।
कोरोना महामारीके कारण दुई वर्ष आन्तरिक मूल्यांकनसे नतिजा सार्वजनिक हुइलेसे फेन यी वर्ष बोर्ड विद्यार्थीके भौतिक उपस्थितिमे गैल वैशाख ९ से २० गतेसम परीक्षा सञ्चालन करले रहे ।
परीक्षामे दुई हजार सात परीक्षा केन्द्रसे ११ हजार ६१५ विद्यालयके दुई लाख ५७ हजार ९२४ छात्रा ओ दुई लाख ५७ हजार ५३ छात्र कैके पाँच लाख १४ हजार ९७७ परीक्षार्थी सहभागी रहल रहैं ।
अइसिक हेरे सेक्जाइ नतिजा
एसइईके नतिजा परीक्षार्थी बोर्डके वेबसाइटके साथे एसएमएस ओ आइभीआरसे फेन हेरे सेक्ना व्यवस्था करल बा । परीक्षा नियन्त्रक कार्यालयसे नियमित तथा ग्रेडवृद्धि परीक्षाके नतिजा वेबसाइट, एसएमएस ओ आइभीआरसे हेरे सेक्ना जानकारी डेले बा । एसएमएसके लाग सर्टकोड ३५००१, ३४९४९, ३१००३ ओ १६०० रहल बा ।
वेब साइड
www.see.gov.np
www.khalti.com
www.neemaacademy.com
www.ekantipur.com
www.theconnectplus.com
www.see.edusanjal.com
www.see.ntc.net.np
www.admissionnepal.com
