चितुवाके छालासहित दुई पक्राउ

कञ्चनपुर, १२ सावन । कञ्चनपुरके कृष्णपुर नगरपालिकासे प्रहरी चितुवाके छालासहित दुई जनहनहे पक्राउ करले बा । कृष्णपुर नगरपालिका–३ देखतभुलीस्थित निरञ्जन मल्लके खेट्वमे नुकाके राखल अवस्थामे बुधके साँझ दुईठो वयस्क चितुवाके छाला बरामद करल हो ।

जिल्ला प्रहरी कार्यालयसे बिफेक रोज पत्रकार सम्मेलन कैके बरामद करल छाला ओ पक्राउ परल डुनु जनहनहे सार्वजनिक करल हो । पक्राउ परुइयामे डडेलधुराके अमरगढी नगरपालिका–३ काँडेके ४० वर्षीय मालती मल्ल सेठ्ठी ओ अमरगढी नगरपालिका–२ जोसिनाके २९ वर्षीय मोहन सार्की रहल बाटै ।

बरामद करल एकठो छालाके लम्बाइ ८ फिट ८ इन्च ओ चौडाइ ३ इन्च तथा औरे छालाके लम्बाइ ७ फिट २ इन्च ओ चौडाइ २ फिट ८ इन्च रहल बा । दुईठो छाला वयस्क चितुवाके रहल प्रहरी जनैले बा ।

प्रहरीके अनुसार उक्त छाला सुदूरपश्चिमके पहाडी क्षेत्रसे आइल जिल्ला प्रहरी कार्यालय कञ्चनपुरके डीएसपी चक्रबहादुर शाह बटैलै ।