बाढसे विस्थापित परिवारहे प्लाष्टिक घर, नल्का, अस्थायी चर्पी हस्तान्तरण

पहुरा समाचारदाता
हसुलिया, १३ सावन । कैलाली जिल्लाके कैलारी गाउँपालिका वडा नम्बर ३ शिवरत्नपुरके बाढसे विस्थापित १६ परिवारहे प्लाष्टिक घर, नल्का, अस्थायी चर्पी हस्तान्तरण करल बा ।

कैलारी गाउँपालिकाके समन्वयमे सुदूरपश्चिम प्रदेश सरकारसे पाँच थान अस्थायी चर्पी, सात ठो नल्का, १६ घरपरिवारहे प्लाष्टिक घर बनैना सामाग्री डेहल बा । उ सामाग्री कैलारी गाउँपालिका उपाध्यक्ष भगवतीकुमारी चौधरी, सुदूरपश्चिम प्रदेशसभा सदस्य विरमान चौधरी, वडा नम्बर ३ के अध्यक्ष सन्तराम चौधरीसे हस्तान्तरण करल कैलारी गाउँपालिका उपाध्यक्षके स्वकीय सचिव कृष्ण चौधरी जनैलै ।

उ सामागी गाउँक भल्मन्साहे हस्तान्तरण कैगिल उहाँ जनैलै । मोहना लडियासे बस्ती कटान करे लागलपाछे शिवरत्नपुरके १६ घर विस्थापित हुइल बा ।