ज्योतिविकास बैंकके १४ औं वार्षिकोत्सव
पहुरा समाचारदातादाता
हसुलिया, ९ सावन । ज्योति विकास बैंक हसुलिया शाखा १४ औं वार्षिकोत्सव मनैले बा ।
कैलारी गाउँपालिका वडा नम्बर १ हसुलिया बजारमे रहल उ सोम्मारके रोज अपन वार्षिकोत्सव मनाइल हो । गाउँपालिका अध्यक्ष राजसमझ चौधरीके वडका पहुनामे कार्यक्रम हुइल रहे ।
गाउँपालिकामे आइल बैंकसे अपने यहाँके स्थानीय अपन गाउँठाउमे सेवा पाइल बटैलै । द्वन्द्वकालमे हसुलियासे विस्थापित हुइल बैंक बहुट समयपाछे स्थापित हुइल बा, उहाँ कहलै, ‘अब्बे यहाँ बहुट बैंक आसेकल बा । रुप्या साटे जमा करे अपन गाउँघरसे करेसेक्ना व्यवस्था हुइल बा ।’
कार्यक्रममे कैलारी गाउँपालिका वडा नम्बर १ के अध्यक्ष धोजहरिपाल बोहरा, नेपाल शिक्षक संघ कैलारीके अध्यक्ष मदनप्रसाद चौधरी लगायत बैंकके बार्षिकोत्सवमे शुभकामना व्यक्त करले रहिट ।
कार्यक्रममे ज्योति विकास बैंक हसुलिया शाखाके प्रमुख विनोदप्रसाद फुलारा ग्राहकके चाहना अनुसार सेवा डेटी रहल बटैलै । कार्यक्रमके संचालन बैंकके तारादत्त पन्त करले रहिट ।
