सामुदायिक सहकारीके २२ औं वार्षिकोत्सव
पहुरा समाचारदाता
भजनी, १ भदौ । सामुदायिक सहकारी संस्था लिमिटेड भजनीके २२ औं वार्षिकोत्सव एक कार्यक्रम बीच मनाइल बा ।
‘सहकारीके सिद्धान्त हाठमे हाठ, सामुदायिक सहकारी अपनेनके साथ’ कना मुल नारा सहित वार्षिकोत्सव कार्यक्रम मनाइल हो । सहकारीके अध्यक्ष हरिकुमार कार्कीके अध्यक्षतामे हुइल कार्यक्रममे भजनी नगरपालिकाके नगर प्रमुख केवल चौधरी बर्का पहुना रहल रहिट ।
कार्यक्रममे महुन्याल माध्यमिक विद्यालय भजनीके विद्यालय व्यवस्थापन समितिके अध्यक्ष हर्क बुढा, जनता सामुदायिक पुस्तकालय तथा स्रोत केन्द्र भजनीके अध्यक्ष हेमेन्द्र भारद्वाज, नेपाल रेडक्रस सोसाइटी उपशाखा भजनीके सभापति उमाकान्त खड्का, भानु मेमोरियल इङलिस वोडि· स्कुल भजनीके प्रिन्सिपल रामप्रसाद शर्मा, सुरक्षाकर्मी, पत्रकार, सेयर सदस्य, बुद्धिजीवी, समाजसेवी लगायतके उपस्थिति रहल रहे ।
सहकारीके आव २०७९/८० के वार्षिक योजना तथा नीति कार्यक्रम भजनी सेवा केन्द्रके प्रमुख मानबहादुर घर्तीमगर प्रस्तुत करल रहिट । कार्यक्रमके सञ्चालन सहकारीके सचिव मनिराम ढुंगाना करल रहिट ।
